Крајници и слип апнеа кај деца – скриената причина за немирни ноќи скачать в хорошем качестве

Крајници и слип апнеа кај деца – скриената причина за немирни ноќи

Во оваа епизода на Sleep N’Grow разговарам со Д-р Горан Мицевски за една често занемарена, а многу важна тема – проблемите со крајниците и опструктивната слип апнеа кај децата. Немирниот сон, честото будење, ‘рчењето или отежнатото дишење во текот на ноќта не секогаш се „фаза“ или навика. Понекогаш тие се сигнал дека детското тело се бори со проблем што бара внимание. Во разговорот зборуваме за тоа која е улогата на крајниците, зошто кај некои деца тие стануваат проблематични и кои знаци родителите најчесто ги пропуштаат. Објаснуваме како изгледа слип апнеата кај децата, како се разликува од онаа кај возрасните и зошто е важно навреме да се препознае. Ќе слушнете и кога е потребна дополнителна дијагностика, што се случува ако состојбата не се третира и како нарушениот сон може да влијае врз растот, концентрацијата, однесувањето и целокупниот развој на детето. Ова е информативна и смирувачка епизода за родителите што сакаат да знаат кога немирниот сон е нешто повеќе од лоша ноќ и кога е време да побараат стручно мислење. Sleep N’Grow – затоа што квалитетниот сон е основа на здраво детство.