الترخاس كي جي داير скачать в хорошем качестве

الترخاس كي جي داير

Message: --- سلام عليكم خاوتي حبيت نحكي حكاية صغيرة أنا كنت نخرج مع طفلة 7 سنين ربيتها على يدي ملي كان عندها 16 سنة و هي معايا ، جوزنا كلش كيف كيف الحلوة و المرة والله والله والله صح كنت ناويها و جامي توشيتها من يدها والله جامي خمست معاها ، أنا إنسان خاطيني البنات و اداك التمسخير ، المهم الطفلة عندها شهر عيطتلي تبكي قاتلي رانا فالحرام و ربي يغضب علينا ، والله تبكي و تشهق ! قلتلي نبعدوا على بعضانا مي نبقا ديما نستناك و نبقى ديما تاعك ،كي توجد روحك أرواح مالباب ، أنا نحبها بزاف و ما قدرتش نبعد عليها ، عفست على قلبي و قلت عندها الحق و فرحت كي عرفت تخمامها ، قلت نكمل قرايتي هذا العام و نبدا نافيغي باش الواحد يروح يقابل ، المهم البارح كملت جوزت على الخمسة و هي كملت نورمالمون قبلي ب 3 سوايع ، دخلت لي 400 زهر مع صاحبي يفهمني حاجة خفيفة ، نشوفها مالبعيد مع واحد دخلت 456 ، انا تبريزيت قلت لالا بالاك ماشي هي ، صاحبي قالي لالا هي ، دخلنا عليهم لقيتها مع واحد ملسقها فالحيط ما فهمت إذا نضحك ولا نبكي ، خزرت فيا دورت وجها تاع متعرفنيش ، ما لقيتش واش ندير تبريزيت ، خرجت خليتهم هكاك صاحبي قالي شكون هذا ؟ قتلوا خوها باين ! أك تحرش باين شكون ، طلعت ديراكت للدار ما قدرت ندير والوا ، بقيت غير نخمم فالحشوة تاع 7 سنين و الحشوة تاع نخاف ربي ، أنا كانوا يقولولي ما توشيتهاش تحشيهالاك ! كنت نقول لالا هاذي ماشي كيما هوما هاذي بنت فاميليا و تخاف ربي ! ما فهمتش واش ندير و الله ، المهم نوكل ربي عليك و الله ما تربحي لا دنيا لا آخرة. أنا الغلطة لي درتها خليت طفلة توريلي طريق ربي ، و نسيت بلي كان أنا تبعت طريق ربي م الأول كان هو يوريلي و يرزقني طفلة بنت فاميليا ، أنشاء الله راكي تقراي فهذا الميساج نوكل عليك ربي. -----