ជនភៀសសឹក និងជនចាស់ជរាជាង ១០០គ្រួសារ ស្នាក់នៅក្នុងឃុំគោកធ្លកលើ ស្រុកជីក្រែង скачать в хорошем качестве

ជនភៀសសឹក និងជនចាស់ជរាជាង ១០០គ្រួសារ ស្នាក់នៅក្នុងឃុំគោកធ្លកលើ ស្រុកជីក្រែង

ជនភៀសសឹក និងជនចាស់ជរាជាង ១០០គ្រួសារ ស្នាក់នៅក្នុងឃុំគោកធ្លកលើ ស្រុកជីក្រែង បានទទួលអំណោយពីព្រះសង្ឃ និងសប្បុរសជន កាលពីរសៀលថ្ងៃទី១៤ ខែកុម្ភៈ ឆ្នាំ២០២៦ ឯកឧត្តម អ្នកឧកញ៉ា សៀង ណាំ តំណាងរាស្ត្រមណ្ឌលសៀមរាប និងព្រះគ្រូវិចិត្រវង្សា ហែម គឹមសាន ចៅអធិការវត្តប្រាសាទគោកចក ក្រុងសៀមរាប បានដឹកនាំសប្បុរសជន បាននាំយកគ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន ប្រគេន និងជូនដល់បងប្អូនប្រជាពលរដ្ឋភៀសសឹកចំនួន ៩៩គ្រួសារ និងមនុស្សចាស់ជួបការលំបាកក្នុងជីវភាពចំនួន ៤០នាក់ ស្នាក់នៅក្នុងឃុំគោកធ្លកលើ ស្រុកជីក្រែង ព្រមទាំងប្រគេនសម្ភារសិក្សាដល់សមណៈសិស្សពុទ្ធិកបឋមសិក្សាវត្តគោកធ្លក ១៩អង្គ និងសិស្សានុសិស្ស១៤០នាក់ ដើម្បីសម្រួលដល់ការសិក្សារៀនសូត្រប្រចាំថ្ងៃ។ ព្រះគ្រូវិចិត្រវង្សា ហែម គឹមសាន មានថេរដីកាថា អំណោយដែលបានផ្ដល់ជូននេះ មួយផ្នែកទទួលបានពីរដ្ឋបាលខេត្ត និងមួយផ្នែកទៀតទទួលបានពីលោកជំទាវមហាឧបាសិកាពុទ្ធសាសនូបត្ថម្ភក៍ មាស សន ជាម៉ន និងក្រុមគ្រួសារព្រមទាំងសប្បុរសជនជិតឆ្ងាយ ប្រគេនមកវត្តប្រាសាទគោកចក ជាសង្គហៈទានសម្រាប់បែងចែកទៅតាមលទ្ធភាពទុកជូនគ្រួសារខ្វះខាតជាក់ស្តែងនៅតាមមូលដ្ឋាននានានៃខេត្តសៀមរាប។ ឯកឧត្តម អ្នកឧកញ៉ា សៀង ណាំ មានប្រសាសន៍ថា កម្ពុជាស្រឡាញ់សន្តិភាព ព្រោះសន្តិភាពនេះ ជាសេចក្តីសុខរបស់យើងទាំងអស់គ្នា។ ហេតុនេះសូមបងប្អូនភៀសសឹក និងប្រជាពលរដ្ឋទាំងអស់ ត្រូវរួមកម្លាំងសាមគ្គី រួមសុខរួមទុក្ខ ជាពិសេសត្រូវជឿជាក់លើការដឹកនាំរបស់ប្រមុខរាជរដ្ឋាភិបាល ក្រោមការដឹកនាំរបស់សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចធិបតី ហ៊ុន ម៉ាណែត នាយករដ្ឋមន្ត្រី រួមនឹងថ្នាក់ដឹកនាំទាំងអស់ ដែលលោកតែងតែគិតគូរពីប្រជាជាតិ ស្ថិរភាពតាមព្រំដែន និងសុខទុក្ខបងប្អូនទាំងអស់គ្រប់ពេលវេលា និងគ្រប់ទីកន្លែង។ លោក បូ ម៉េងទ្រី អភិបាលស្រុកជីក្រែង បានសម្តែងនូវអំណរព្រះគុណ និងអរគុណដល់ព្រះសង្ឃ និងសប្បុរសជនជិតឆ្ងាយ ដែលបានបរិចា្ចគធនធានថវិកាចូលរួមឧបត្ថម្ភគាំទ្រផ្នែកជីវភាពដល់បងប្អូនភៀសសឹក និងគ្រួសារជួបភាពខ្វះខាតនាពេលនេះ គឺឆ្លុះបញ្ចាំងពីឆន្ទៈចូលរួមចំណែកជាមួយអាជ្ញាធរមូលដ្ឋាន និងរាជរដ្ឋាភិបាល ឈរលើស្មារតីខ្មែរជួយខ្មែរ ខ្មែរស្រឡាញ់ខ្មែរ បង្ហាញនូវក្ដីស្រឡាញ់ សាមគ្គីភាព មិត្តភាព យល់ទុក្ខធុរៈគ្នា និងជួយគ្នាក្នុងគ្រាចាំបាច់៕ ‎អត្ថបទ និងរូបភាព៖ លោក យូ វង្ស ‎កែសម្រួល៖ លោក អ៊ុន ណារាជ្យ