Tajvid 19 - Dars Istitoolah, G'unna скачать в хорошем качестве

Tajvid 19 - Dars Istitoolah, G'unna

7. Istitoolah – الِاسْتِطَالَةُ Istitoolah so‘zining lug‘aviy ma’nosi “uzaymoq”, “cho‘zilmoq”, “intilmoq” deganidir. Istitoolah ض harfi talaffuzida tilning og‘iz oxiridan og‘iz oldiga qadar cho‘zilmog‘idir. Ya’ni, til yon qirg‘og‘ining ichkari qismi oziq tishlarga qadaladi, tilning uchi esa assanaayaning ildiziga yetadi. Ya’ni, til uchi assanaaya ildiziga yetgunga qadar cho‘ziladi. Ammo tishga tegmaydi, ikkisi orasida ozgina joy qoladi. Tilning cho‘zilishi til ortida qisilgan havo ta’siri ostida hosil bo‘ladi. Istitoolah sifatiga ega harf مُسْتَطِيلَةٌ – mustatiilah deyiladi.    • Practicing the letter ضاد   8. G‘unnah – الْغُنَّةُ “G‘unnah” so‘zining lug‘aviy ma’nosi “dimog‘da gapirish”, ya’ni nazalizatsiya bo‘lib, bu dimog‘dan chiqadigan tovush tebranishidir. Bizga ma’lumki, ن talaffuzida til, م talaffuzida esa ikki lab maxrajni to‘sgani bois tovush o‘z maxrajidan ozgina chiqib (bayniyyah sifati), asosiy tovush esa dimog‘dan yo‘l topib chiqib ketar edi. Mana shu dimog‘dan chiqqan tovush tebranib chiqadi va bu g‘unna deyiladi. G‘unna ن va م talaffuzida dimog‘dan chiqadigan qo‘shimcha ovoz bo‘lib, bu sifat ular harakatli bo‘lganida ham sukunli bo‘lganida ham doimo saqlanib qoladi. ن va م tovushi bir vaqtda ikki joydan, ya’ni og‘iz va dimog‘dan chiqadi. ن va م sukunli bo‘lganida og‘iz maxrajidan ozgina tovush oqib, asosiy tovush dimog‘ maxrajidan g‘unna bilan chiqadi. Bu ikki harf harakatli bo‘lganida esa tovush ikkala maxrajdan bir xilda chiqadi. “Nun” va “mim”dan boshqa harflarni g‘unna qilish xato bo‘ladi. Bu xatoni qanday topish mumkin? Buning uchun harflarni burun ochiq va berk holatida talaffuz qilib, bir-biriga solishtiriladi. Ya‘ni, harf avval odatdagiday talaffuz qilinadi, keyin barmoqlar bilan burunni siqib, takror talaffuz qilinadi. “Nun” va “mim”dan boshqa barcha harflar talaffuzida burun ochiq bo‘lganida ham burun berk bo‘lganida ham tovush eshitilishi bir xil bo‘lishi kerak. Agar burun berk bo‘lganida tovushning bir qismi yo‘qolib qolsa, unda o‘sha harf talaffuzida g‘unna qo‘shilayotgan bo‘ladi. Agar hech qanday o‘zgarish bo‘lmasa, u holda to‘g‘ri o‘qilgan bo‘ladi. G‘unna sifatiga ega harflar فِيهَا غُنَّةٌ– fiihaa g‘unnah deyiladi.    • Practicing the letter ميم      • Practicing the letter نون   Azizlarim, shunday qilib ziddi yo’q sifatlarni ham o’rganib oldik.