ĦAMES DELITTI FEJN IL-KATAVRI NSTABU F’BOROŻ TAL-PLASTIK скачать в хорошем качестве

ĦAMES DELITTI FEJN IL-KATAVRI NSTABU F’BOROŻ TAL-PLASTIK

F’Malta nstabu ħames vittmi ta’ delitti mgeżwra jew mitfugħa f’boroż tal-plastik, bl-aktar wieħed riċenti jkun dak f’Santa Luċija jiem ilu. Il-vittma nstab imgeżwer f’boroż suwed wara li l-ġirien irrapportaw riħa tinten ħierġa mill-appartament fejn instab il-katavru, kif ukoll li kienu ilhom ma jaraw lil min kien jgħix fl-appartament għal numru ta’ jiem. Dan il-katavru għadu ma ġiex identifikat. ONE News tkellem mar-riċerkatur tal-kriminalità Eddie Attard li spjega li waħda mir-raġunijiet li ġisem jiġi mgeżwer jew mitfugħ fil-plastic hi biex dan ikun jista’ jinġarr u ma jħallix traċċi. EDDIE ATTARD RIĊERKATUR “Kellna każijiet f’Malta fejn kien hemm boroż tal-plastik minħabba l-fatt li l-katavru tqatta’ biċċiet, allura biex jinġarr u ma joħroġx ebda likwidu jintużaw il-boroz tal-plastik”. Ma’ ONE News, Eddie Attard spjega każijiet oħra ta’ persuni oħra li nqatlu u tgeżwru f’boroż. EDDIE ATTARD RIĊERKATUR “Eżempju kellna każ l-Belt, fl-1991 tqatta’ l-katavru u ntefa’ l-baħar u partita oħra fejn kien qed jinbena l-bini. Dak hemmhekk biex wieħed jeħles minn ġisem. Każ iehor imur lura għal 1982 fejn nqatlet persuna u l-katavru nstab ġo boroż imqatta biċċiet f’bir fil-buskett. Kien instab xi 3 snin wara.” Apparti milli biex jinġarr, katavru jista’ jitgeżwer fil-plastik biex jieħu iktar ħin biex jiddekomponi. EDDIE ATTARD RIĊERKATUR “Il-fażijiet tal- katavru jgħaddu minn 4 stadji. L-ewwel jibdel il-kulur u mbagħad it-temperatura tal-ġisem tibda tonqos, mbagħad il-katavru jibbies, mbaghad il-katavru jibda jinten. Ghallura jekk jitgezwer fil-plastik ir-riħa se tonqos.” Eddie Attard temm ifisser kif l-użu tal-plastik ma jagħmiliex iktar diffiċli sabiex issir awtopsja u jiġi identifikat l-kawża tal-mewt tal-persuna