Tharakan Family History | Thevalakara Pally | Thevalakara History | Mar Abo | Marthamariam Church скачать в хорошем качестве

Tharakan Family History | Thevalakara Pally | Thevalakara History | Mar Abo | Marthamariam Church

കൊച്ചുകുളങ്ങര പുതുവീട്ടിൽ തരകൻ കുടുംബം കർത്തൃ ശിഷ്യനായ പരിശുദ്ധ മാർത്തോമ്മാ ശ്ലീഹ ഏ.ഡി. 52 ൽ ഭാരതത്തിൽ എത്തി ഏഴര പള്ളികൾ സ്ഥാപിച്ചു. പരിശുദ്ധ മാർത്തോമ്മാ ശ്ലീഹായുടെ കരങ്ങളാൽ സ്നാനം ഏറ്റ ക്രൈസ്തവ സമൂഹവും കർത്തൃ ശിഷ്യനാൽ സ്ഥാപിക്കപ്പെട്ട ദൈവമാതാവിന്റെ നാമത്തിൽ ഉള്ള ദൈവാലയവുമാണ് കൊല്ലത്തുണ്ടായിരുന്നത്. നാലാം നൂറ്റാണ്ടിന്റെ ഉത്തരാർദ്ധത്തിൽ കൊല്ലത്തുണ്ടായിരുന്ന ദൈവാലയം കടൽകയറി പോയപ്പോൾ അവിടെയുണ്ടായിരുന്ന വ്യാപാര പ്രമുഖരായിരുന്ന ക്രൈസ്തവർ വ്യാപാരാനുകൂല പ്രദേശമായ ദേവലോകക്കര എന്ന തേവലക്കരയിലേക്ക് കുടിയേറി. തരയിൽ, പുതുവീട്, കുളങ്ങരവീട്, കല്ലുങ്കൽ, കോവൂർ എന്നീ അഞ്ചു സഹോദര കുടുംബങ്ങൾ ആയിരുന്നു പ്രസ്തുത ക്രൈസ്തവർ. തേവലക്കരയിലെ ആദ്യ ക്രൈസ്തവ സമൂഹം ഇവരായിരുന്നു. ആരാധന കാര്യങ്ങളിൽ ഏറെ തല്പരരായിരുന്ന ഇവർ തേവലക്കര ദേശത്തു നാലാം നൂറ്റാണ്ടിൽ ദൈവമാതാവിന്റെ നാമത്തിൽ 'തേവലക്കര മർത്തമറിയം പള്ളി' സ്ഥാപിച്ചു (ഇന്നത്തെ മർത്തമറിയം ഓർത്തഡോക്‌സ് സുറിയാനിപ്പള്ളി & മാർ ആബോ തീർത്ഥാടന കേന്ദ്രം) നാടിന്റെ പൊതു പുരോഗമനത്തിനു വേണ്ടി പ്രവർത്തിക്കുകയും സഹായിക്കുകയും ചെയ്ത വ്യാപാര പ്രമുഖരായ ക്രൈസ്തവരെ, നാടുവാഴികൾ 'തരകൻ' സ്ഥാനം നൽകി ആദരിച്ചു. പ്രസ്തുത കുടുംബങ്ങൾ തേവലക്കര ദേശത്തെ സാംസ്ക്കാരിക, സാമൂഹിക, സാമ്പത്തിക മേഖലയിൽ പ്രബല ശക്തിയായി മാറി. തേവലക്കരയിലെ തരകൻ കുടുംബങ്ങളും കൊല്ലത്തുണ്ടായിരുന്ന അരവുചിറക്കര തരകൻ കുടുംബവുമായി നിരന്തരം സമ്പർക്കം പുലർത്തിയിരുന്നു. പിൽക്കാലത്തു കൊല്ലത്തു നിന്ന് പട്ടക്കാരുൾപ്പടെ അരവുചിറക്കര തരകൻ കുടുംബം തേവലക്കരയിൽ എത്തുകയും തരകൻ കുടുംബങ്ങൾ കൂടുതൽ ശക്തി പ്രാപിക്കുകയും ചെയ്തു. ഈ കുടുംബത്തിൽ നിന്നും വിവിധ തലമുറകളായി 32 വൈദീകർ തേവലക്കര പള്ളിയിലെ വൈദീക ശുശ്രൂഷകൾ നടത്തുകയും ചെയ്തു. ഏ.ഡി. 905 ൽ മാർ ആബോ പിതാവ് പേർഷ്യയിൽ നിന്ന് കടമറ്റത്തു എത്തുകയും അവിടെനിന്ന് തേവലക്കരയിലെത്തുകയും ചെയ്തു. പരിശുദ്ധ പിതാവിനെ യഥോചിതം സ്വീകരിച്ചു കൊണ്ട് തരകൻ കുടുംബാംഗങ്ങൾ ആതിഥ്യമരുളി. പരിശുദ്ധ മാർ ആബോ പിതാവിന്റെ ആത്മീയ നേതൃത്വത്തിൽ കുടുംബാംഗങ്ങൾ പ്രചോദിതരായി പ്രബലപ്പെട്ടു. ഒരു മാതൃകാ ക്രൈസ്തവ സമൂഹമായി മാറുന്നതിൽ പരിശുദ്ധ പിതാവിന്റെ സാന്നിധ്യം സഹായകമായി. പരി.മാർ ആബോ തേവലക്കര പള്ളിയിലെ ചാവടിയിൽ തന്റെ ശിഷ്ടകാലം ചിലവഴിക്കുകയും ദൈവാലയത്തിൽ കബറടങ്ങുകയും ചെയ്തു. പരിശുദ്ധ പിതാവിനെ ഭയ ഭക്തി ബഹുമാനത്തോടെ ആദരിച്ചു സ്നേഹിച്ചു കരുതിയ കുടുംബാംഗങ്ങളോട് പരിശുദ്ധ പിതാവിന് പ്രത്യേക വാത്സല്യം ആയിരുന്നു. പരി.മാർ ആബോ ദേശത്തിന്റെ കാവൽ പിതാവ് എന്നതിനൊപ്പം കുടുബത്തിന്റെയും കാവൽ പിതാവാണ്. പതിനാറാം നൂറ്റാണ്ടിൽ ചാലിയത്ത് മരയ്ക്കാരുടെ ആക്രമണത്തിന് തേവലക്കര ദൈവാലയം വിധേയമായപ്പോൾ ദൈവാലയം അഗ്നിക്കിരയാക്കപ്പെട്ടു. ഈ ആക്രമണത്തിൽ കുടുംബാംഗങ്ങളായ നിരവധിപേർ രക്തസാക്ഷികളായി, ധാരാളം പേർ പലായനം ചെയ്തു, നിരവധിപേർ മതപരിവർത്തനം ചെയ്യേണ്ടിവന്നു. പ്രസ്തുത ആക്രമണത്തെ അതിജീവിച്ചവർ ദൈവാലയം പുതുക്കി പണിയുകയും സത്യവിശ്വാസത്തെ മുറുകെ പിടിച്ച് മുന്നോട്ട് പോവുകയും ചെയ്തു. ഈ സംഭവത്തിൽ രക്തസാക്ഷികളായ പൂർവ്വ പിതാക്കന്മാരായ കുടുംബാംഗങ്ങളെ കൂട്ടമായി കുഴിച്ചുമൂടിയതിന്റെ അസ്ഥികളും,അവശിഷ്ടങ്ങളും പിൽക്കാലത്ത് ദൈവാലയ പുനഃനിർമ്മാണ കാലയളവിൽ കണ്ടെടുത്തിരുന്നു. പ്രസ്തുത തരകൻ കുടുംബങ്ങളിൽപ്പെട്ടതാണ് കൊച്ചുകുളങ്ങര പുതുവീട്ടിൽ തരകൻ കുടുംബം. ദൈവത്തിന്റെ അളവറ്റ കൃപയാലും പരിശുദ്ധ ദൈവ മാതാവിന്റെ മദ്ധ്യസ്ഥതയാലും പരിശുദ്ധ മാർ ആബോ പിതാവിന്റെ പ്രാർത്ഥനയാലും കുടുബാംഗങ്ങൾ തേവലക്കരയിലും, ലോകത്തിന്റെ വിവിധഭാഗങ്ങളിലും അനുഗ്രഹത്തോടെ ജീവിക്കുന്നു.