C (12) - သပ္ပူရိသတာဝန်၊ မိမိတာဝန် သိနိုင်ကြပါစေ скачать в хорошем качестве

C (12) - သပ္ပူရိသတာဝန်၊ မိမိတာဝန် သိနိုင်ကြပါစေ

🏵️ ယနေ့သည် ၂၀၂၁-ခုနှစ်၏ နောက်ဆုံး တနင်္ဂနွေနေ့ဖြစ်သည့် အားလျော်စွာ ဆရာဦးမောင်မောင်ဟောကြားခဲ့သော တရားတော်များအနက် ဓမ္မမိတ်ဆွေ သူတော်စင်များအတွက် အထူးအကျိုးရှိမည့် တရားတစ်ပုဒ်ကို တင်ဆက်လိုပါသည်။ 🏵️ ဆရာ ဦးမောင်မောင်သည် မြတ်ဗုဒ္ဓ၏တရားတော်များကိုသာ ရိုးရှင်းလွယ်ကူ ထိရောက်သေခြာသော ခေတ်စကားများဖြင့်သာ တရားနာ ပရိသတ်အား ရင်းနှီးပွင့်လင်းစွာ ဟောကြားခဲ့ပါသဖြင့် တရားတော်များအားလုံးတို့သည် အစ၊ အလယ်၊ အဆုံး ကောင်းကြပါသည်။ 🏵️ ယခုတင်ပြလိုသည်က တရားတော်အနှစ်၏ ထူးခြားမှုမဟုတ်ပါ။ ဆရာဦးမောင်မောင်၏ စေတနာနှင့် ဝိမုတ္တိတရားများကို ဟောပြောပုံနည်းစနစ် တို့၏ ထူးခြားသော ဝိသေသများသာဖြစ်ပါသည်။ 🏵️ ယနေ့ တင်ဆက်သည့် တရားတော်တွင် ဝိမုတ္တိတရားများသည် တရားဟောသူနှင့် တရားနားသူတို့ နှစ်ဦးနှစ်ဖက် အပြန်အလှန် အခြေအတင် လွတ်လပ်စွာ ဆွေးနွေးခြင်း၊ မရှင်းမချင်း မေးခွန်းထုတ်‌မေးခွင့်ရှိခြင်းနှင့် တရားဟောသူ ဆရာသမား၏ စိတ်ရှည် သည်းခံ၊ ပညာအရာပြည့်စုံမှုနှင့် သင်ကြားမှု နည်းပရိယာယ် ကြွယ်ဝမှုတို့ကို မီးမောင်းထိုး တင်ပြလိုက်ရပါသည်။ 🏵️ သစ္စာတရားများကို မိမိသိသလို သူတစ်ပါးတို့အားလည်း နားလည် သဘောပေါက်အောင်သင်နိုင် ဟောနိုင်သော ဆရာမျိုးကို သပ္ပူရိသဆရာဟု မြတ်ဗုဒ္ဓက သတ်မှတ်ခဲ့ပါသဖြင့် တရားတော်ကိုလည်း "သပ္ပူရိသတာဝန်၊ မိမိတာဝန် သိနိုင်ကြပါစေ" ဟု အမည်ပေးလိုက်ရပါသည်။ 🏵️ ဗုဒ္ဓသာသနံစိရံတိဋ္ဌတု။