လွိုင်ကော်မြို့အရှေ့ခြမ်းမှာ တိုက်ပွဲပြင်းထန်နေ | People's Spring скачать в хорошем качестве

လွိုင်ကော်မြို့အရှေ့ခြမ်းမှာ တိုက်ပွဲပြင်းထန်နေ | People's Spring

လွိုင်ကော်မြို့အရှေ့ခြမ်းမှာ တိုက်ပွဲပြင်းထန်နေ   မတ်-၅၊ ၂၀၂၆။ People's Spring   ကရင်နီပြည်နယ်၊ လွိုင်ကော်မြို့အရှေ့ခြမ်းမှာ တိုက်ပွဲပြင်းထန်နေပြီး လက်နက်ခဲယမ်းတွေ သိမ်းဆည်းရရှိထားတယ်လို့ ကရင်နီအခြေစိုက်တပ်ဖွဲ့ဝင်အချို့က ပြောပါတယ်။   အခု မတ်လ၂ရက်က လွိုင်ကော်မြို့အရှေ့ခြမ်းက လင်းဖုံကြီးကျေးရွာဘက်ကို စစ်တပ်နဲ့ ပအိုဝ်းပြည်သူ့စစ်ပူးပေါင်းပြီး စစ်ကြောင်းထိုးလာတာလို့ ဆိုပါတယ်။   တိုက်ပွဲတွေက ဆက်ဖြစ်နေပြီး လက်နက်ခဲယမ်း ရတာတွေ ရှိတယ်လို့ လွိုင်ကော်မြို့အရှေ့ဘက်ခြမ်းမှာရှိနေတဲ့ တပ်ဖွဲ့ဝင်တစ်ဦးက ပြောပါတယ်။   တော်လှန်ရေးအင်အားစုတွေ ထိန်းချုပ်ထားတဲ့ လွိုင်ကော်အရှေ့ဘက်ခြမ်းကို စစ်တပ်က နယ်မြေစိုးမိုးချင်တာလို့ ဆိုပါတယ်။   အခု တိုက်ပွဲဖြစ်နေတဲ့‌ နေရာအားလုံး စစ်ကောင်စီတပ်ဖွဲ့ဝင်တွေနဲ့ PNO ပူးပေါင်းစစ်ကြောင်းထိုးလာလို့ တိုက်ပွဲဖြစ်နေတာတွေချည်းပဲလို့ ကရင်နီနဲ့ ရှမ်းပြည်တောင်ပိုင်းမှာ စစ်ရေးလှုပ်ရှားနေတဲ့တပ်ဖွဲ့ဝင်တစ်ဦးက ပြောပါတယ်။   ဒါ့အပြင် မိုးဗြဲမြို့မှာလည်း တိုက်ပွဲနေ့စဥ်နီးပါး ပြန်ဖြစ်နေပြီး စစ်တပ်နဲ့ PNOက စစ်ကြောင်းထိုးနေတာလို့ သိရတာပါ။   ဖားဆောင်းမြို့နယ်မှာလည်း တိုက်ပွဲတွေဆက်ဖြစ်နေပြီး စစ်တပ်က မော်ချီး ဒေသကို စစ်ကြောင်းထိုးဖို့ ကြိုးစားနေတာလို့ မြေပြင်စစ်ရေးသတင်းရင်းမြစ်အချို့က ပြောပါတယ်။   လတ်တလော ကရင်နီပြည်နယ်အတွင်း စစ်ရေး၊တိုက်ပွဲ အခြေအနေတွေနဲ့ပတ်သက်လို့ ကရင်နီအမျိုးသားများကာကွယ်ရေးတပ်(KNDF)ကို လူထုနွေဦးက ဆက်သွယ်ထားဆဲ ဖြစ်ပါတယ်။   ပြီးခဲ့တဲ့နှစ်ကစပြီး ကရင်နီဒေသမှာ စစ်တပ်ရဲ့ တန်ပြန်ထိုးစစ်တွေကြောင့် တော်လှန်ရေးအင်အားစုတွေရဲ့ ထိန်းချုပ်နယ်မြေတွေ တဖြည်းဖြည်းဆုံးရှုံးလာပါတယ်။   လက်ရှိအခြေအနေအရ ဒေသတွင်း တော်လှန်ရေးအင်အားစုတွေ စုပေါင်းဖို့နဲ့ စစ်ရေးအရ အားသာမှုတွေ ပြန်ရဖို့ ကရင်နီပြည်နယ်မှာ တစ်ခုတည်းသောတပ်မတော်(UKSA)ကို ဖွဲ့စည်းဖို့ အရပ်ဖက်အဖွဲ့အစည်းနဲ့ လူထုက တိုက်တွန်းမှုတွေ ရှိပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA