ЭКСКЛЮЗИВ: ЖАМБЫЛДАҒЫ АПАТ ОШАҒЫНЫҢ ҚАЗІРГІ КҮЙІ ҚАНДАЙ? скачать в хорошем качестве

ЭКСКЛЮЗИВ: ЖАМБЫЛДАҒЫ АПАТ ОШАҒЫНЫҢ ҚАЗІРГІ КҮЙІ ҚАНДАЙ?

Информбюро тілшілері Жамбыл облысындағы жарылыс ошағына барды. Апат болған әскери бөлімшеде сегіз күннен бері Бауыржан Дәуітбаевті іздеу жұмыстары жалғасып жатыр. Министрлік өкілдері негізгі күш жарылыс шыққан қойма маңына жұмылдырылған деді. Қазір жарылыстар тоқтағанымен жарылғыш заттарды іздеп жүрген саперлардың ішінде жарақат алғандар бар екен. Жарылысқа қатысты эксклюзивті ақпараттар мен кадрлар Нұрболат Жаңабекұлының материалында. НҰРБОЛАТ ЖАҢАБЕКҰЛЫ, тілші: – Осыдан сегіз күн бұрын жойқын жарылыс болған 28349 әскери бөлімшесі осы. Мұнда әлі де күштік құрылым өкілдері мен арнайы мамандардан басқа ешкімді кіргізіп жатқан жоқ. Біз тұрған жерден тура 900 метр жерде (кадр) «арнайы техникалар жұмыс істеп жатыр. Олар Бауыржан Дәуітбаевті яғни, сегіз күн бұрын жоғалған азаматты іздеп жатыр. Мұнда қазір саперлар жарылғыш заттарды тауып, жинап жатыр. Мамандар қазір жарылыс толық тоқтаған деді. Десе де жаңағы жарылғыш заттарды іздеп жүрген мамандардың үшеуі жеңіл жарақаттар алған екен. Бірақ олар алғашқы көмекті алып, қазір қайтадан өз жұмыстарын жалғастырып жатыр. Бұл әскери бөлімшеде қазір тура алдына қарайтын болсаңыздар міне мынадай жарылыс салдарынан қираған көліктер тұр.» Әскерилердің айтуынша, ешқандай тас немесе снаряд құламаған бұл жерге. Тек жарылыстың екпіні осындай етіп езіп-езіп тастаған екен. Міне, бөлімшенің сыртқы қоршауының бәрі қарап, тастарының барлығы қопарылып түскен. Ал әрірек қарайтын болсаңыздар дуалдары толық құлап қалған. Бұл да сол жарылыстың екпінін дейді. Әскери бөлімшеде 113 оқ-дәрі қоймасы болған екен. Жарылыстан соң тек үшеуі ғана қалыпты. Ал апат ошағына айналған 14-ші қойма маңында диаметрі 40 метр, тереңдігі 20 метрлік ор пайда болыпты. Бауыржанды іздеудегі негізгі күш те сол жерге жұмылдырылған. ЖҰМАБЕК ХАСЕНОВ, ҚР Қорғаныс министрлігі бас инспекциясының басқарма бастығы: – Тексеріліп жатқан радиусы 30-40 шақырым тауға қарай, ал Луговое горнизонынан сол жердегі Меркі және Луговой горнизонында өзіміздің бөлімнің сарбаздары, офицерлері сол жақтан бері қарай қарап келе жатыр. - Енді үміт бар дейсіз ғой? - Үміт бар, үміт әрқашанда бар. НҰРБОЛАТ ЖАҢАБЕКҰЛЫ, тілші: – Ал мына жер әскери бөлімшенің автотұрағы. Мұнда күнделікті мамандар өздерінің көліктерін қойып кетіп жүрген. Тура мына қара көлік сегіз күннен бері табылмай жатқан Бауыржан Дәуітбаевтің көлігі екен. Ал тура осы секілді қираған бірнеше көлікті осыдан екі күн бұрын иелері алып кеткен. Екі бұрын жойқын жарылыс кезінде қаза тапқан марқұм Саят Әлімбековті туған-туыстары жер қойнына тапсырған. Батырдың артында 3 баласы қалып отыр. Ал қазір әлі күнге дейін табылмай жатқан Бауыржан Дәуітбаевті 400-ге жуық маман іздеп жатыр екен. Оған әскерилерден бөлек атты патруль мен ұшқышсыз басқарылатын аппарат тартылыпты. Нұрболат Жаңабекұлы, Дәулетбай Нұрмахан Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Жамбылдағы_жарылыс #Тараз #апат #төтенше_жағдай