Armiku i vërtetë i zorrëve dhe ushqimet që e stimulojnë atë. скачать в хорошем качестве

Armiku i vërtetë i zorrëve dhe ushqimet që e stimulojnë atë.

LPS (Lipopolisaharidi) është një molekulë e përbërë nga një pjesë yndyrë (Lipo), shumë pjesë (Poli) nga glukozë (Saharide), si dhe një antigjen i cili stimulon sistemin tonë mbrojtës dhe kur është i shumtë në numër mund të shkaktoj Sepsis dhe shpesh vdekje. Trupi ynë përbëhet nga 10 trilionë qeliza, si dhe janë 40-130 trilionë bakterie dhe mikrobe që gjenden kryesisht në zorrën e trashë dhe të hollë, në pjesën e jashtëqitjes, shumë janë në lëkurë, në stomak, ezofag, gojë, sy, vesh dhe hundë. Përshkrueshmëria e murit të zorrëve (Leaky gut) do të sjellë një reaksion zinxhir në trup, edhe lokal edhe të përgjithshëm. Qëllimi i ekzistencëes së këtyre bakterieve në zorrë është që të shpërbëjnë atë pjesë të ushqimit që zorrët tona nuk e përthithin dot. Qelizat e zorrëve quhen enterocite dhe në pjesën dërmuese të saj ato janë vetëm një shtresë mikroskopike. Ushqimi duhet të kaloj përmes këtyre qelizave, pasi kalojnë fillimisht shtresën mukoze të zorrëve dhe pastaj mikrofijet si Glycocalix (si furçë). Pothuajse çdo qelizë në trupin tonë e ka sipërfaqen të mikrodhëmbëzuar, ajo që quhet Glycocalix, si dhe një shtresë të hollë si mukoze ose veshtulloze në mënyrë që të mos ngjiten apo ngecin te njera-tjetra. Shtamet kryesore në zorrët tona janë gram - dhe gram +. Zonulina është proteina që kujdeset për të mbajtur lidhjen e plotë të qelizave me njera tjetrën. Disa herë ajo lejon shumë pak bakterie të kalojnë në mënyrë që sistemi ynë mbrojtës të jetë në gatishmëri. Sistemi mbrojtës apo imunitar përbëhet nga shumë qeliza të ndryshme dhe në pjesë të ndryshme në trup si, psh. makrofag, limfocite, leukocite, neutrofile, monocite, etj. Siç shpjegova në videot e mëparshme për pesë shkaqet e sindromit metabolik apo rezistencës ndaj insulinës, inflamacioni është një nga këto arsye (LPS matet në gjak si dhe proteina C-reaktive, IL1, IL6, etj). Përveç dëmeve të tjera të shumta në organizëm, vajrat vegjetale dhe frutat ushqejnë në mënyrë të çbalancuar bakteriet gram - në zorrë duke dhjetëfishuar numrin e PLS dhe si rrjedhojë dëmtim të murit të zorrëve, përshkrueshmëri të tij, inflamacion, sepsis, diabet dhe shumë probleme të tjera. Koliti ulçerativ që prek zorrën e trashë dhe sëmundja Kron (Crohn's disease) që prek të gjithë traktin tretës nga goja deri në pjesën e jashtëqitjes, janë manifestimet më të rënda të sëmundjeve të sistemit digjestiv, por dieta karnivore ka përmirësuar shumë prej këtyre pacientëve.