Aksyon Laban sa Kahirapan - Season 2 – Episode 57 скачать в хорошем качестве

Aksyon Laban sa Kahirapan - Season 2 – Episode 57

Tampok sa ika-57 na episode ang panayam ni National Anti-Poverty Commission (NAPC) Lead Convenor, Secretary Lope Santos III sa programang Rise and Shine Pilipinas ng PTV-4,Oktubre 14. Tinalakay ni Secretary Santos ang kahalagahan ng International Day for the Eradication of Poverty (IDEP) na ginugunita tuwing Oktubre 17. Ipinaliwanag niya na unang ipinagdiwang ang IDEP noong Oktubre 17, 1987, kung saan itinayo ang isang Bato ng Buhay o ‘commemorative stone’ sa Paris, France bilang pag-alaala sa mga naging biktima ng kahirapan. Kinilala ito ng United Nations noong 1992 bilang isang opisyal na pagdiriwang. Ibinahagi rin ni Secretary Santos na may mga tinaguriang replika "Bato ng Buhay" sa iba't ibang bahagi ng Pilipinas, kabilang ang Rizal Park sa Maynila; Barotac Viejo, Iloilo; Davao City; Buenavista,Quezon; Ozamiz City, Misamis Occidental; Esperanza, Agusan del Sur at Anini-y, Antique. Sumasagisag ang mga batong ito bilang pagkilala at pag-alala sa mga biktima ng kahirapan. Binigyang-diin din ni Secretary Santos ang tema ng paggunita ng IDEP ngayon taon na “Ending Social and Institutional Maltreatment: Ensuring Respect and Effective Support for Families.” Aniya mahalaga ang temang ito dahil layunin nitong palawakin pa ang mga programa at serbisyong ibinibigay ng mga ahensya ng pamahalaan, lokal na pamahalaan at mga institusyon katuwang sa kaunlaran upang pangalagaan ang kapakanan ng mga pamilya at mamamayang Pilipino. #NAPC26 #AksyonLabanSaKahirapan #BagongPilipinas