ALINCHU PALINCHU /ఆలించు పాలించు ఆదిమపురుష /AAV SERIES 09 EP 812/ANANDA BHATTAR/ANANDABHAIRAVI скачать в хорошем качестве

ALINCHU PALINCHU /ఆలించు పాలించు ఆదిమపురుష /AAV SERIES 09 EP 812/ANANDA BHATTAR/ANANDABHAIRAVI

🌺🍃 -----------🍃🌺 తాళ్లపాక అన్నమాచార్య ఆధ్యాత్మ సంకీర్తన ( ఆలించు పాలించు ఆదిమపురుష .. ) రేకు రాగము:-- ముఖారి రేకు: 0357-06 సంపుటము: 4-338 స్వరకర్త :-- శ్రీ వేదవ్యాస ఆనంద భట్టర్ గారు రాగం :-- ఆనందభైరవి గానం :-- శ్రీ వేదవ్యాస ఆనంద భట్టర్ గారు 🌺🍃 -----------🍃🌺 🌹🌹 సంకీర్తన 🌹🌹 ॥పల్లవి॥ ఆలించు పాలించు ఆదిమపురుష క్షమ జాలిదీర నీకే శరణుచొచ్చితిమి ॥చ1॥ గతి నీవే మతి నీవే కర్తవు భర్తవు నీవే పతియు నీవే యేపట్టునా మాకు యితరము లెవ్వరున్నా రెంచిచూడ నిన్నుఁబోల చతురుఁడ నిన్నునే శరణుచొచ్చితిమి ॥చ2॥ జననీజనకులు శరణము నీవే వునికి మనికి నీవే వుపము నీవే మనసిచ్చి నీవే నన్ను మన్నించుకొంటేనే చనవి మనవి నీకే శరణుచొచ్చితిమి ॥చ3॥ లోకసాక్షివి నీవే లోకబంధుఁడవు నీవే యీకడ శ్రీవేంకటేశ యిదివో నీవె నీకంటె మరిలేరు నిఖిలమింతయుఁ గావ సాకారరూప నీకే శరణుచొచ్చితిమి 🌺🍃 -----------🍃🌺 అన్నమయ్య అక్షరవేదం సంపుటి – 812 ( ఆలించు పాలించు ఆదిమపురుష .. ) 🌺🍃 ----------- 🍃🌺 ప్రార్థన :-- 🌹🙏 నా మనవినాలకించుచు నా మనమున నుండరాద నారాయణ, నీ నామము నీ పాదములనె కామించితి శరణుశరణు కారుణ్యవిభో ! ✍️ --స్వీయపద్యము ( కందము) 🌹🌹 నా ప్రార్థనను కాస్త ఆలకించి , నా మనస్సులో స్థిరముగా కొలువుండరాదా ఓ నారాయణా ! నేను నీ నామమునే పట్టుకుని ఉన్నాను , నీ పాదములనే ఆశ్రయించి ఉన్నాను ! శరణు శరణు నీకే ఓ కరుణామయుడవైన ప్రభో !!🙏 🌹🙏🌹 🌺🍃 -----------🍃🌺 మున్నుడి 🌹👇 అన్నమాచార్యుఅల వారి సంపూర్ణ శరణగతి సంకీర్తనలలో ఇది ఒక అద్భుతమైన కీర్తన . తనకు అన్నీ స్వామియే అని సంపూర్ణమైన విశ్వాసముతో శరణు వేడుతున్నారు అన్నమయ్య . సులభమైన పదములతో , అర్థము వివరించి చెప్పనవసరములేనంత తేలికగా మనకు అందించారు అన్నమయ్య ! ఈ చక్కని సంకీర్తన అర్థము తెలుసుకుని పాడుకుందామా !!👇 🌺🍃 ----------- 🍃🌺 🌹🌹 నా మనవిని ఆలకిస్తూ , నన్ను ఏలుకొనుము ఓ ఆదిదేవా ! ఓ తొల్లిటి పురుషోత్తమా ! అనన్యమైన నీ క్షమతో నా జాలిని తీర్చుము . నీకే నేను శరణనుచు నీ కడచేరితిని !🙏 🌹🌹 మాకు గమ్యము నీవే , మాచేత అన్నీ చేయించెడిదీ నీవే , మాకు పోషకుడవై , నాథుడవై ఉన్నదీ నీవే అన్ని వేళలా ఏవిధముగానైనా . ఈ విధముగా వేరొకరు ఎవరైనా ఉన్నారా స్వామీ నీవలె పోలిక చేసుకుని మేము ఎంచి చూసుకోవటానికి ? నేర్పరివైన తెలివైనవాడవైన ఓ స్వామీ నీ శరణాగతులమై ఉన్నాము !!🙏 🌹🌹 మాకు తల్లివి నీవే ! తండ్రివీ నీవే ! మాకు స్థిరమైన ఆశ్రయము నీవే . మేము ఇలా జీవనము సాగించుటకు , మా జీవితమునకు కూడా కారణము నీవే . మాకు ఉన్న ఒకే ఒక ఉపాయము నీవే . నీవు మా యందు మనసు చేసుకుని ఆదరించితే చాలు , నేను నీ ఆధీనుడనై , నా విన్నపాలన్నీ నీకే చేసుకుంటూ, నీ శరణాగతుడనై ఉందును!🙏 🌹🌹 లోకాలన్నిటికీ సాక్షివి నీవే అయి ఉన్నావు , అన్ని లోకములకూ బంఢువు నీవే అయి ఉన్నవు . అటువంటి ఉన్నతుడవు ఇదిగో మా ఎదుటనే ఇక్కడ శ్రీ వేంకటేశ్వరుడవై కలిగితివి . నీకన్నా ఈ లోకమును రక్షించగలవారెవ్వరున్నారయ్యా . దివ్యమంగళ విగ్రహ స్వరూపముగా ఇక్కడ సాక్షాత్కరించిన ఓ శ్రీ వేంకతేశ్వరా నీకే మా శరణు !!🙏 🌹🙏🌹 ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏 తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏 దోషములున్న...మన్నించమని విన్నపము... 🙏 ✍️ -- వేణుగోపాల్ యెల్లేపెద్ది 🙏 #ALINCHUPALINCHU #ఆలించుపాలించుఆదిమపురుష #anandabhattar #vedavyasaanandabhattar #svanandabhattar#annamacharya #annamacharyakeerthanalu #annamayya #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana #annamayyaaksharavedam