NANA ROOPA DHARUDU/నానారూపధరుడు నారాయణుడువీడె/AAV SERIES 09 EP 811/VEDAVATI PRABHAKAR/SINDHUBHAIRAVI скачать в хорошем качестве

NANA ROOPA DHARUDU/నానారూపధరుడు నారాయణుడువీడె/AAV SERIES 09 EP 811/VEDAVATI PRABHAKAR/SINDHUBHAIRAVI

SRIVARI ABHISHEKA VAIBHAVAM EP - 28💐🙏 🌺🍃 -----------🍃🌺 తాళ్లపాక పెద తిరుమలాచార్య శృంగార సంకీర్తన ( నానారూపధరుఁడు నారాయణుఁడు వీఁడె .. ) రేకు రాగము:-- ధన్యాశి రేకు: 94-1 సంపుటము: 17-503 స్వరకర్త :-- శ్రీమతి వేదవతి ప్రభాకర్ గారు రాగం :-- సింధుభైరవి గానం :-- శ్రీమతి వేదవతి ప్రభాకర్ గారు 🌺🍃 -----------🍃🌺 🌹🌹 సంకీర్తన 🌹🌹 ॥పల్లవి॥ నానారూపధరుఁడు నారాయణుఁడు వీఁడె పూనిన వుపనమ లెల్లాఁ బొసఁగె నితనికి ॥చ1॥ గరిమ నేరులు వానకాలమునఁ బెనగొని సొరిది సముద్రము చొచ్చినయట్లు పురుషసూక్తమున విప్రులు సేసే మజ్జనము అరుదుగఁ బన్నీరెల్లా నమరే నీహరికి ॥చ2॥ * అట్టే వెల్లమొయిళ్లు ఆకసాన నిండినట్టు గట్టిగా మేన నిండెను కప్పురకాపు వొట్టి తన విష్ణుమాయ వొడలిపై వాలినట్టు తట్టుపుణుఁ గమరెను దైవాలరాయనికి ॥చ3॥ నిలువున సంపదలు నిలిచి రూపైనట్టు తెలివి సొమ్ములపెట్టె దెరచినట్టు అలమేలుమంగ వురమున నెలకొనె నిదే చెలరేఁగి శృంగారాల శ్రీవేంకటేశునకు 🌺🍃 -----------🍃🌺 అన్నమయ్య అక్షరవేదం సంపుటి – 811 ( నానారూపధరుఁడు నారాయణుఁడు వీఁడె .. ) 🌺🍃 ----------- 🍃🌺 ప్రార్థన :--🌹🙏 ఏరీతి నూహ సేసితె యారీతిననె నగుపించె నద్భుతముగనీ శ్రీరమణుడు మజ్జనమున సారంబౌకాపులలద సవరదనముతో ! ✍️ --స్వీయపద్యము ( కందము) 🌹🌹 మనము ఏ రకముగా ఊహించితే ఆ రకముగానే ఒప్పిదముగా , అద్భుతమైన సౌందర్యముతో కనిపిస్తున్నాడు శ్రీమహాలక్ష్మీ విభుడైన , ఈ శ్రీ వేంకటేశ్వరుడు , శుక్రవారపు అభిషేక సమయాన , శ్రేష్ఠమైన ఎన్నెన్నో పరిమళపు కాపులను తనకు మేనెల్లా అలదగా , బహుసుందరముగా అనేక విధములలో గోచరించుచున్నాడు .!!🙏 🌹🙏🌹 🌺🍃 -----------🍃🌺 మున్నుడి 🌹👇 తాళ్ళపాక పెదతిరుమలాచార్యుల వారు రచించిన అనేకమైన స్వామివారి అభిషేక వర్ణనా సంకిర్తనలలో ఒక అద్భుతమైన కీర్తన ఇది . పెద తిరుమలాచార్యుల వారు స్వామి వారి అభిషేకమును కేవలము ఆనందనిలయము అంతరాలయములో దివ్యమంగళ విగ్రహమునకు జరుగుచున్న అభిషేకముగానే గాక, విశ్వలోకపతియైన ఆదిదేవునకు ప్రకృతి యంతా పరవశించి చేస్తున్న అభిషేకముగా అనేకమైన ఊహలు చేసారు చాలా కీర్తనలలో . ఇక్కడ కూడా అద్భుతమైన ఊహలు చేస్తున్నారు ఆ రీతిలోనే బహుఘనముగా !🙏 ఈ చక్కని సంకీర్తన అర్థము తెలుసుకుని పాడుకుందామా !!👇 🌺🍃 ----------- 🍃🌺 🌹🌹 అనేకానేకమైన రూపములను ధరించగల శ్రీమన్నారాయణుడు ఇతడే . మనము పనిగట్టుకుని ఇతనికి ఏ నేర్పరితనమును ఊహించినా , ఎటువంటి చక్కనైన ఊహలు చేసినా, అన్నిటికీ ఒప్పైన విధముగా ఇతడు ఆ రీతిలో అందముగా కనిపించగల సమర్థుడు !!🙏 అట్టి స్వామి యొక్క అభిషేకము వీక్షించటానికి ఇదిగో ఈ విధముగా ఉన్నది 🙏 🌹🌹 గొప్పగా చిన్న చిన్న ఏరులు వాగులు నదులు వానాకాలమునందు నిండుగా జలములతో ప్రవహిస్తూ , వరుసగా విస్తారమైన సముద్రములో కలవటానికి ఏలా చేరుతాయో .. ఆ రీతిన అదిగో అంతరాలయములో ఉన్న స్వామికి అర్చకులు ‘ స॒హస్ర॑శీర్షా॒ పురు॑షః । స॒హ॒స్రా॒క్షః స॒హస్ర॑పాత్ ।“ అని పురుషసూక్తమును వరుసలో చక్కగా పఠిస్తూ , తన మేనెల్లా పన్నీటి జలములను పుష్కలముగా కుమ్మరించగా .. ఆ జలములు శ్రీహరిపై చక్కగా అమరి ఉన్నవి!!🙏 🌹🌹 విశాలముగా విస్తరించి ఉన్న ఆ ఆకాశములో , అనేకానేకమైన మబ్బులు నిండి ఉన్నరీతిలో , స్వామికి తెల్లని కర్పురపు ధూళి కాపు వెదజల్లగా ఆ విధమున నున్నది . స్వామి యొక్క మాయ స్వామిపైననే ఆవహించి ఉన్నదా అన్నట్లు , తన దేహమునిండా అలదిన నల్లని కస్తూరి తట్టుపునుగు కాపు అమరి ఉన్నది దేవదేవునకు !🙏 🌹🌹 సమస్తమైన సంపదలనన్నిటినీ నిలువెత్తు రూపముగా పోసితే ఏ రూపములో ఉండునో ఆ విధముగానూ , అట్లే సుజ్ఞానమనే ఒక అమూల్యమైన ధనరాశులు ఆభరణములు గల పెట్టెను తెరచితే ఎట్లుండునో ఆ విధముగానూ , తన దేవేరియైన ఆలమేలుమంగమ్మను తన వక్షస్థలముపై నిలుపుకుని అనేకమైన ఆభరణములతో అలంకృతుడై ఉన్నాడు ఈ శ్రీ వేంకటేశ్వరుడు , వ్యాపించి శోభలీనుచున్న అందములతో !!🙏 🌹🙏🌹 ఓమ్ శ్రీ అలమేలుమంగా సమేత శ్రీ వేంకటేశ్వర స్వామినే నమః !🙏 తాత్పర్య సహిత దృశ్య మాలికగా మీకు అందించాలన్న నా చిన్న ప్రయత్నమును ఆశీర్వదిస్తారని ఆశిస్తూ..🙏 దోషములున్న...మన్నించమని విన్నపము... 🙏 ✍️ -- వేణుగోపాల్ యెల్లేపెద్ది 🙏 #NANAROOPADHARUDU #నానారూపధరుడు #vedavathiprabhakar #abhishekam #srivariabhishekam #tirumalaabhishekam #annamacharya #annamacharyakeerthanalu #annamayya #annamayyasongs #అన్నమయ్య #అన్నమాచార్య #annamayyakeerthanalu #annamayyakeerthana #annamayyaaksharavedam