NGCP, MISAAD NGA AKSYONAN ANG POWER OUTAGES NGA NAKA APEKTO SERBISYO SA MOELCI-II скачать в хорошем качестве

NGCP, MISAAD NGA AKSYONAN ANG POWER OUTAGES NGA NAKA APEKTO SERBISYO SA MOELCI-II

MISAAD ANG NATIONAL GRID CORPORATION OF THE PHILIPPINES (NGCP) NGA MAGPATUMAN OG KONGKRETONG LAKANG ARON MASULBAD ANG NAGBALIK-BALIK NGA BROWNOUT NGA NAKAAPEKTO SA MGA KONSUMIDOR SA MISAMIS OCCIDENTAL II ELECTRIC COOPERATIVE INC. (MOELCI-II). GIHIMO ANG MAONG PASALIG ATOL SA COORDINATION MEETING TALI SA MGA OPISYAL SA MOELCI-II UG NGCP, DIIN GIPRESENTAR USAB SA GRID OPERATOR ANG MGA PLANONG PAGPAAYO UG PAG-UPGRADE SA MGA SUBSTATION NGA NAGSERBISYO SA KOOPERATIBA. SUMALA NI MOELCI-II GENERAL MANAGER ENGR. ROEL CHRISTIAN M. AGUSTERO, IMPORTANTE NGA KLAROHON SA NGCP ANG TINUOD NGA HINUNGDAN SA TRANSMISSION-RELATED OUTAGES TUNGOD KAY KASAGARAN ANG ELECTRIC COOPERATIVE ANG PASANGINLAN SA PUBLIKO. IYANG GIPASIUGDA NGA KINAHANGLAN UNAHON ANG REHABILITASYON UG MODERNISASYON SA NAGKATIGULANG NGA 69-KILOVOLT O 69KV TRANSMISSION LINE. SA BAHIN SA NGCP, GIINGON NGA ANG UBANG INTERRUPTIONS RESULTA SA PAGSULOD SA BITIN SA LINYA, MGA KILAT, UG PAGKAHAGBONG SA MGA SANGA SA KAHOY SA TRANSMISSION CORRIDORS. ARON MATUBAG KINI, ILANG PALIG-ONON ANG LINE-CLEARING OPERATIONS, MAGBUTANG OG DUGANG SNAKE BARRIERS, UG MAG-UPGRADE SA GROUNDING SYSTEMS ARON MALIKAYAN ANG DUGAY NGA PAGKAWALA SA KURYENTE. GIHISGUTAN USAB ANG POSIBILIDAD SA PAGDEPLOY OG NGCP LINEMEN DINHI SA MISAMIS OCCIDENTAL ARON MAS PASPAS ANG RESPONDE SA PANAHON SA EMERHENSIYA, KAY SA PAGKAKARON ANAA PA SA AURORA, ZAMBOANGA DEL SUR ANG KADAGHANAN SA ILANG PERSONNEL. LAKIP SA DUGAYNG PLANO SA NGCP ANG PAG-ILIS SA KAHOY NGA POSTE NGADTO SA STEEL STRUCTURES UG PAGTAAS SA GITAS-ON NIINI GIKAN SA 40 FEET NGADTO SA 60 HANGTOD 65 FEET ARON MAPALIG-ON ANG KASALIGAN SA SISTEMA. PLANO USAB ANG PAG-INSTALAR OG REAL-TIME MONITORING UG CONTROL EQUIPMENT SA TULO KA SUBSTATIONS SA MOELCI-II SUBAY SA DIREKTIBA SA DEPARTMENT OF ENERGY. HUMAN SA MEETING, NAGPASALAMAT ANG PAMUNUAN SA MOELCI-II SA NGCP SA PAGHATAG OG KLARONG TUBAG SA MGA ISYU, ILABI NA KAY ANG KOOPERATIBA MAOY KASAGARANG MABASOL SA MGA BROWNOUT NGA GIKAN DIAY SA TRANSMISSION-LEVEL NGA PROBLEMA.