PINAKAUNANG CHINESE NEW YEAR BAZAR SA OZAMIZ, MIANI OG POSITIBONG REAKSYON SA PUBLIKO скачать в хорошем качестве

PINAKAUNANG CHINESE NEW YEAR BAZAR SA OZAMIZ, MIANI OG POSITIBONG REAKSYON SA PUBLIKO

GIPASALAMATAN SA CHINESE COMMUNITY SA DAKBAYAN SA OZAMIZ ANG POSITIBONG REAKSYON SA PUBLIKO LABINA SA MGA OZAMIZNON ANG PAGPASIUGDA SA PINAKAUNANG CHINESE NEW YEAR BAZAR DIIN ANG OPENING GIPAHIGAYON NIADTONG DISPERAS SA LUNAR CHINESE NEW YEAR PEBRERO 16. MATUD PA NI FILIPINO-CHINESE CHAMBER OF COMMERCE PRESIDENT JOHN KERWIN SEE NGA GUMIKAN SA MAAYONG REAKSYON SA MGA OZAMIZNON UG BISAN SA MGA KAEGSUONAN SA UBANG PROBINSYA NGA MIDAYEG SA SOCIAL MEDIA, POSIBLE NGA MAS PANGANDAMAN PA SA CHAMBER ANG KASAULUGAN SA SUNOD TUIG. MIRESPONDE GILAYON ANG CHINESE COMMUNITY SA OZAMIZ SA REQUEST SA ASENSO OZAMIZ ADMINISTRATION PINAAGI NI MAYOR SAM NORMAN FUENTES NGA MOPASIUGDA OG AKTIBIDAD ALAYON SA CHINESE NEW YEAR GUMIKAN KAY GAWAS NGA SUBLING MAPALAB-AS SA PUBLIKO ANG TRADISYON UG KULTURA SA MGA FILIPINO-CHINESE. PAAGI USAB KINI NGA MAS MADISKUBREHAN PA SA MGA OZAMIZNON ANG MGA DELICACY UG CHINESE FOODS NGA WALA PA SUKAD MAKITA UG MATILAWI SA OZAMIZNON. ANG CHINESE NEW YEAR BAZAR NGA GIPAHIMOTANG DIHA SA MAY DALAN BURGOS, MASAKSIHAN SULOD SA USA KA SIMANA PINAAGI SA PAGTILAW SA LAMI-AN UG BARATONG MGA CHINESE FOOD UG MAKALINGAW’NG MUSIC BAND. GIPASALAMATAN USAB NI ECONOMIC ENTERPRISE COMMITTEE CHAIR-HONORABLE CECILE CO SI MAYOR SAM NORMAN FUENTES UG SA MAINITONG SUPORTA SA KONSEHO SA PAGPUKAW SA ATENSYON SA CHINESE COMMUNITY SA OZAMIZ. IYANG GIPADAYAG NGA ANG MGA FILIPINO-CHINESE SA OZAMIZ, NANIMUYO UG NAHIMONG KAABAG SA PAGPALAMBO SA LOKAL NGA EKONOMIYA SA OZAMIZ SULOD NA SA USA KA GATOS KATUIG UG IYANG GIPANGANDIHAY ANG MAS MALUNGTARON PA NGA MAAYONG RELASYON TALI SA MGA FILIPINO-CHINESE COMMUNITY UG ANG MAYORYANG LUMAD NGA MGA OZAMIZNON.