قصة منطقة المصيطبة – الحلقة 21 من برنامج لوين رايحين؟ скачать в хорошем качестве

قصة منطقة المصيطبة – الحلقة 21 من برنامج لوين رايحين؟

اليوم رايحين لوحدة من أعتق المناطق البيروتية وأقدمها على الإطلاق وهي منطقة المصيطبة. هالمنطقة الموجودة على مرتفع عالي كانت بالقرن التاسع عشر عبارة عن منطقة صخرية عالية عن مستوى المدينة القديمة وبعيدة عن حدودها البحرية وكانت اسمها البرية. ولأنو هالمنطقة كانت عالية اتسمت المصيطبة هالكلمة مشتقة من كلمة المصطبة وبتعني المحل العالي. وكانت هالمنطقة بوقت من الاوقات عبارة عن قاعدة عسكرية بالعهد المملوكي. وكان فيها حيّ مشهور اسمو حيّ العَمارة كانت تُصنع في السفن والزوراق وترسل ضمن طرقات خاصة من منطقة المصيطبة إلى مرفأ بيروت. وعلى فكرة لليوم في حيّ من أحياء المصيطبة اسمو حيّ العَمارة. ولأنوا موقعها كان مميز جذبت الأمراء والمماليك ورجال السلطة ووجهاء البلد يلي اتخذوا من هالمنطقة مقر الهن وبنوا فيها القصور. ومع الوقت بلشت معالم هالمنطقة تتغير وكتروا فيها السكان يلي قصدوها من كل الطوائف والمذاهب والأديان. وعاشوا فيها لسنين طويلة بسلام فبنوا فيها البيوت والمساجد والكنائس بالاضافة للمحلات التجارية والاسواق وكانت رمز للعيش المشترك ولا تزال. هالمنطقة يلي شهدت الكتير من العزّ خصوصاً بفترة الإنتداب الفرنسي وبفترة الإستقلال سكن فيها رجل الإستقلال الرئيس صائب سلام وقبلوا كان والده الزعيم البيروتي سليم علي سلام يلي بنى بهالمنطقة بالعهد العثماني قصر بعدو موجود لغاية اليوم وصار مقر للرئيس تمام سلام. وشهدت هالمنطقة العديد من العائلات البيروتية العريقة. ومافينا ننسى طبعاً القبضايات من أهل هالمنطقة يلي كان يسهروا على أمنها. ومتل كل هالمناطق ببيروت بلشت هالمنطقة تتغير شوي شوي ومعالمها القديمة بلشت تختفي تدريجياً وطلعت محل الصخور بنايات ومحلات وصارت اليوم من أكتر المناطق الشعبية وأقدما على الإطلاق. إعداد: الدكتور حسان حلاق تقديم: ربيع ياسين تصوير خارجي: سيرج ابي غانم مونتاج: أمير مقصود Facebook:   / rabihy1   Twitter:   / yassinerabih   Instagram:   / rabihyassin