ሕይወቷ አደጋ ውስጥ ነው፣የት እንዳለች አይታወቅም፣ልጇን በትዳር ነው የወለደችው፣( скачать в хорошем качестве

ሕይወቷ አደጋ ውስጥ ነው፣የት እንዳለች አይታወቅም፣ልጇን በትዳር ነው የወለደችው፣(

ትላንት ከሰዓት የጀመረው የብርቱካን ነገር አድሮ ዛሬም ውሎ በብዙ መልኩ መነጋገሪያ ለማህበራዊው ሚዲያ ፍጆታ ውሏል፡፡ እርግጥ ነው የተሰማ ታየው ነገር ሁሉ ሰው ነኝ እንደሰው ሁሉ ነገር ይሰማኛል ብሎ ለሚል ሰው ከዚህ በላይ መሪር እና ሰቃቅ እውነት የለም፡፡እውነቱ ምንም ይሁን ምን እንዲህ ያለውን ታሪክ ሰምቶ ልቡ ፍርክስ የማይለበት ፍጡር ካለ አንድም ስለ ታሪኩ እውነትነት እና ሀሰትነት የሚያውቅ አልያ ደግሞ ልበ ደንዳና ካለሆነ በቀር አንዲት ልጅግር እናት እንዲህ ሆንኩ ብላ ለጆሮ የሚከብድ ነገር ስትናገር መስማት ያማል ..በብዙ ይሰብራል … የብርቱካን ተመስገን ታሪክ እንደ ከዚህ ቀደሞቹ ባታሪኮች እንዲሁ እንደቀልድ ሊታለፍ የሚችል ሆኖ አልተከሰተም፡፡ ነገሩ ጦዞ ጦዙ …ወደ አልተገመተ እና ወደ አልታሰበ ርዕሰ ጉዳይ ተሸጋግሯል፡፡ የመጀመሪያው እና ዋነኛው ነገር የታሪኩ ሰቅጣጭነት እና እንዲህ ሰው ነን …ኃይማኖት አለን …የአንድ ሀገር ልጆች የአንድ አፈር አፈሮች ነን ብሎ ከሚል ሰው እንዲህ ያለ ግፍ ተፈፀመ መባሉ በራሱ የነገሩን ከብደት ሚዛን ያስደፋ ጉዳይ ሲሆን …ሲቀትል ደግሞ ለነገሩ ክብደት ሌላ መዛኝ ጫና የፈጠረው ደግሞ የቴሌቪዥን ተቋሙ ቪዲዮዉን ከዩቱዩቡ ላይ ማንሳቱ ነው፡፡ እነዚህ ሁሉት አንኳር ጉዳዮች በራሳቸው ጉንጭ ያሰቡ መነጋገሪያ ጉዳይ ሆነው ሲውሉ ታይተዋልም ተሰምተዋልም፡፡ ወዲህ የታሪኩ አሳዘኝነት እና ልብ ሰባሪነትን አንስተው ከዚህ ቀደም ከደንቢ ዶሎ ዩኒቨርስቲ ሲመለሱ ከታገቱ ተማሪዎች ጋር ተያይዞ የሌሎቹስ ጉዳይ ከምን ደረሰ የሚል የተዳፈረነውን ጥያቄ ያስነሳ ጉዳይ ሲሆን ወዲያ ደግሞ የቴሌቪዥን ጣቢያው ቪዲዮውን ከዩቱዩቡ ላይ ያነሳው በመንግስት ኃይሎች ተገዶ ነው የሚሉ ሀሳቦች ብርቱካን ያነሳችውን የተበደልኩ እና የተፈፋው ታሪክ ወደ ፖለቲካዊ አቅጣጫ ያመራ ያስመሰለው ነገር ነው የሚሉ ሀሳቦች እንዲሰነዘሩ አስገድዷል፡፡ የሆነው ሆኖ በመግቢያችን ላይ እንዳልነው የተሰማው የነገረው ታሪክ እጅግ ልብ ሰባሪ ክሰተተ ነው፡፡ ከዚህ ጉዳይ ጋር ተያይዞ ታድያ ቀኑን ሙሉ በተለያዩ ምልከታዎች እና ነገረ ሀሳቦች ሲዘዋወር የዋለው የብርቱካን ታሪክ እና የኢቢኤስ ቪዲዮዉን ከዩቱዩብ የማንሳት ጉዳይ እንዳለ ሆኖ ማምሻውን ደግሞ የደንቢ ዶሎ ዩኒቨርስቲ ከጉዳዩ ጋር ተያይዞ መግለጫ አውጥቷል፡፡ ወደ ዩኒቨርስቲው መግለጫ እና ከመግለጫው ጋር ተያይዞ እየተነሱ ወዳሉ ጉዳዮች ከመግባታችን በፊት ግን አሁንም እንደዚህ አሰቃቂ ግፍ እና በደል ተፈፀመብኝ ካለችው ብርቱካን ጋር ከማህበረሱ የሚነሱ ጥቂት ሀሳቦችን እና አስተያየቶችን እናስቀድም፡፡ ኢቢኤስ ከብርቱካን ጋር የነበረውን ቆይታ ከዩቱዪብ ላይ ያነሳው በመንግስት ኃይሎች አስገዳጅነት ነው ነገሩ …መልኩን ወደ ፖለቲካ በመቀየሩ እና የተረሳ ተዳፈነ ነገር ሎቆሰቁስ በመቻሉ እና ከዚህም በላይ ጥያቄ ይዞ እንዳይመጣ ስለተሰጋ በአስቸኳይ አውርዱት በሚል ቀጭን ትዕዛዝ ነው የሚሉ ሀሳቦች ሲሰሙ ውለዋል፡፡ እንዲህ ያለውን አስተያየት ደግሞ ጋዜጠኛ ይድነቃቸው ከበደ ነገሩ እንደዛ አይደለም የትኛውም የመንግስት አካል ኢቤኤስን ቪዲዮዉን እንዲያወርደው አላስገደደውም ሲል ከውስጥ አዋቂዎቾ ደረሰኝ ያለውን መረጃ አጋረቷል፡፡ ጋዜጠናው ረዕሰ ጉዳዩን ሲጀምር እንዲህ ይላል ሁሉም ይወቀው ፤ ከባድ ችግር ውስጥ ነው ያለችው ! የብርቱካን ተመስገን የግፍ በደል ታሪክ ፤ በኢቢኤስ ቲቪ ለሕዝብ ይፋ መሆኑ ተከትሎ በሰፊው መነጋገሪያ ሆኗል ።በኢቢኤስ ቲቪ በአዲስ ምዕራፍ ፕሮግራም ላይ የቀረበው የብርቱካን ተመስገን የግፍ በደል ታሪክ ፤ በኢቢኤስ ቲቪ ከቀረበ በኋላ ቪዲዮ ከዩቱብ ቻናል ላይ የተነሳው በተበዳይ ብርቱኳን ተመስገን ጥያቄ ነው። ብርቱኳን የደረሰባት ግፍ በኢቢኤስ ቲቪ ከትላለፈ በኋላ ፤ መናገር አልነበረብሽም የሚል ከፍተኛ የሆነ ስነልቦናዊ ጫና እንደደረሰባት እና በዚህ ምክንያት ቪዲዮ ከዩቱብ ላይ እንዲወርድ ተማጽኖ በማቅረቧ ምክንያት ቪዲዩ እንደወረደ መረጃው ደርሶኛል ። የቀረበችበት የአዲስ ምዕራፍ ፕሮግራም ከጅምሩ አንስቶ ለመርዳት ብቻ የሚሰራና በሚቀርቡ ሰዎች ፈቃደኝነት ላይ የተመሰረተ እንደሆነ እና በተለያየ ምክንያት ካልፈለጉ የተጫነው ቪዲዮ እንደሚወርዱ ለማወቅ ችያለሁ ። ብርቱኳን ከዚህ ቀደም የምትጠቀምበት የእጅ ስልኳ አሁን ላይ አይሰራም ፤ ያለችበት ሁኔታ ለማወቅ አልተቻለም ። የሚዲያ ተቋማት ፣ የሰብዓዊ መብት ተቆርቋሪ አካላት የሚመለከተው ሁሉ የብርቱኳን ጉዳይ በአጽንዖት ሊከታተለው ይገባል። እኔም የቻልኩትን ሁሉ አደርጋለሁ ። ሲል ደረስኩበት ያለውን እውነት አጋርቷል፡፡ ጋዜጠኛው እንዳለው የብርቱካን ጉዳይ በይፋ ለሚዲያ ከቀረበ እና ብዙ ሰዎች ጋር ደርሶ መነጋገሪያ ከሆነ በኃላ ብዙ ሰዎች ሊግዟት ፈልገው ስለኳ ላይ ቢደውሉ ሊያገኟት እንዳልቻሉ እየጠቀሱ ይገናሉ፡፡ ከእነዚህ መካከል ነዋሪታቸውን በአሜሪካን ሀገር ያደረገችው እና በብዙ የበጎ አድራጎት ስራዋ የምትታወቀው ትዕግስት ፈረደ በድርጂቷ በቲጀ ሂውማኒቴሪያን በኩል አሜሪካ ድረስ ሄዳ እንድትታከም ፍቃደኛ እንደሆነች እና አስፈላጊውን የጉዞ ፖስፖርት ፣የህክምና ማስረጃወች እንዲዘጋጁላት ጥሪ የቀረበላት ቢሆንም በአሁኑ ስዐት የብርቱካን ተመሰገን ስልክ አይሰራም፣ያለችበትም አይታወቅም ፡፡ ከብርቱካን ስልክ አለመስራት ጋር ተያይዞ የተነሳው አነጋጋሪው ነገር ደግሞ ብርቱካንን እናውቃታለን አካውንታንትና በስራ ላይ ያለች ሰው ነበረች….ታሪኩ እርሷ እንዳለችውን ሳይሆን በትዳር ያለች እና ባሏም የባንክ ቤት ሰራተኛ፣ መኖሪያዋም ጎጃም ሳይሆን ቡራዩ ከታ አከባቢ መሆኑ እናውቃለን ብለው እዚህ ከምትመለከቱት ምስል ጋር አያይዘው ጉዳዩን እወቁልን ያሉም ሰዎች ብቅ ማለት ጀምረዋል፡፡ ይህ ጉዳይ ነገሩ እንዴት ነው …እየሆነ እየተፈጠ ያለው ነገር ምንድን ነው ወደሚል መጠይቅ ያመራ ጀምሯል፡፡ ያም ሆነ ይህ የብርቱካን ነገር አሁንም እንቆቅልሹ አልተፈታም፡፡ ከጉዳዩ ጋር በዋናነት ተጠቅሻለሁ ብሎ ያሰበው የደንቢ ዶሎ ዩኒቨርስቲ ደግሞ ስሜ ባልተገባ ተነስቷል… ባልዋልኩበት ኩበት አስለቅሞኛል ብሎ ባሰበው የኢቢኤስ ቴሌቪዥን ላይ መግለጫ አውጥቷል፡፡ ዪኒቨርስቲው በመግለጫው እንዲህ ይላል ማሳሰቢያ ይላል ርዕሰ ጉዳዩን ሲጀምር በ14/7/ 2017 ዓ.ም በEBS ፕሮግራም ላይ በተደረገ ቃለ ምልልስ ብርቱኳን ተመስገን ከበደ የተባለች በ2013 የትምህርት ዘመን በደምቢ ዶሎ ዩኒቨርሲቲ የሁለተኛ ዓመት የፋርማሲ ተማሪ ነበርኩ በማለት የሰጠችዉ ሃሳብ ስህተት መሆኑና ዩኒቨርሲቲው የፋርማሲ ትምህርት ሲሰጥ በ2013 የሁለተኛ ዓመት ተማሪ እንዳልነበረው ይገልጻል። ስለሆነም ይህ ድርጊት በጣም ሃላፊነት የጎደለው እና ምንም አይነት ማስረጃ የሌለው ስለሆነ ግልጽ የሆነ ስም ማጥፋት እና የዩኒቨርሲቲያችንን ስም የምያጎድል ስለሆነ ኢቢኤስ ይህን ውንጀላ እስካልቀለበሰ ድረስ ዩኒቨርሲቲው ጉዳዩን ወደ ፍርድ ቤት እንደምወስድ ይገደዳል፡፡ ሲል ዩኒቨርስቲው መግለጫ አውጥቷል፡፡ የዪቪርስቲውን መግለጫ ተከትሎ ታድያ ብዙ ሰዎች ዪኒቨርስቲው ላይ ጥያቄ ያነሱ ጀምረዋል፡፡ አዲስ መኮነን የተባሉ ሰው የደንቢ ዶሎ ዩኒቨርስቲን መግለጫ ተከተሎ ሀሳባቸውን እንዲሀ ሲሉ አስፈረዋል፡፡ ይች ምስኪን ልጅ ኢቢ ኤስ ቲቪ ላይ ትላንት ቀርባ የተናገረችውን የግፍ ታሪክ ሙሉውን ሰምቸዋለሁ። ሁኔታውን ሕዝብ እንዲሰማውም ወዲያውኑ ደግሞ ለህዝብ አጋርቼዋለሁ ። የተፈፀመባት ግፍ እጅግ በጣም ነበር የረበሸኝ። ነገር ግን ጉዳዩ ብዙ ግልፅ ያልሆኑ ነገሮች ስለነበሩበት ለጊዜው ትኩረቴ ልጅቱን መርዳት የሚቻልበት ጉዳይ ላይ ነበር። ዛሬ የልጅቱ ጉዳይ የፌስ ቡክ አጀንዳ ሆኖ ከተረሳው የደምቢዶሎ ዩኒቨርሲቲ ታጋቾች ታሪክ ጋር ተቆላልፎ ፖለቲካ ሲሰራበት ሳይ ፖለቲካችን ምን ያህል ልክ እንዳልሆነ አስታወሰኝ። ሲጀመር ልጅቱ አንድም ቦታ የደምቢዶሎ ዩኒቨርሲቲ ተማሪ ነበርኩ ስትል አልሰማሁዋትም። የደምቢዶሎ ሴት ተማሪዎች ተጠለፉ የተባለው ወደ ቤተሰቦቻቸው ለመሄድ ከዩኒቨርስቲው ወጥተው በትራንስፖርት በጋምቤላ በኩል ብዙ ኪሎ ሜትሮች ከተጓዙ በሁዋላ ነው። ይቺ ልጅ ደግሞ ታፈንኩ የምትለው ከገዛ ዩኒቨርሲቲዋ ግቢ ነው። የደምቢዶሎ ዩኒቨርሲቲ ሴት ታጋቾች ደብዛ መጥፋት እስከ ፓርላማ የደረሰታላቅ የፖለቲካ አጀንዳ ሆኖ ሳለ ይቺ ልጅ በተማረችበት ዩኒቨርሲቲ ደጃፍ ስትለምን ከዚያም አዲስ አበባ ገብታ ያን ሁሉ ጊዜ መከራዋን ስትበላ ይሄን የደምቢዶሎ ታጋች ተማሪዎችን ጉዳይ ዋና ማታገያ ያደረጉት የአማራ ብሄረተኞች ፣ የመንደር ወሬ ሁሉ በሰበር የሚግቱን " ጋዜጠኞቻችን" ፣ የተቃዋሚ ፖለቲከኞች ፣ ከሁሉም በላይ የሰብዓዊ መብት ተሟጋች ነን የሚሉ ወገኖች እንዴት ሳያገኟት ቀሩ? (‪@gizemedia1974‬)