సుదర్శనుడి రథం వేగంగా పరుగులు తీస్తోంది.కొంతదూరం వెళ్లేసరికి శత్రు సైన్యాలు అడ్డగి. скачать в хорошем качестве

సుదర్శనుడి రథం వేగంగా పరుగులు తీస్తోంది.కొంతదూరం వెళ్లేసరికి శత్రు సైన్యాలు అడ్డగి.

సుదర్శనుడి రథం వేగంగా పరుగులు తీస్తోంది. కొంతదూరం వెళ్ళేసరికి శత్రు సైన్యాలు అడ్డగించాయి. అర్ధవర్తులాకారంలో ఎదురునిలిచాయి. శత్రుజిత్తు ముందుగా సోదరుడిపైకి బాణాలు వేశాడు. సుదర్శనుడు వాటిని మధ్యలోనే ముక్కలు చేశాడు. యుధాజిత్తు విజృంభించాడు. ధనుస్సునుంచి పుంఖానుపుంఖంగా బాణాలు కురిపిస్తున్నాడు. సుదర్శనుడు తగిన రీతిలో సమ ఉజ్జిగా సమాధానం చెబుతున్నాడు. అంతలోకి కాశీనరేశ్వరుడు (సుబాహుడు) వచ్చి చేరుకున్నాడు. యుద్ధానికి దిగబోయాడు. సుదర్శనుడు వారించాడు. ప్రధానంగా యుద్ధం శత్రుజిద్యుధాజిత్తులకూ సుదర్శనుడికీ జరుగుతోంది. మిగతావారంతా ప్రేక్షకపాత్ర వహించారు. సంగ్రామం తీవ్రస్థాయికి చేరుకుంది. దారుణంగా జరుగుతోంది. హఠాత్తుగా దేవి ప్రత్యక్షమయ్యింది. అల్లంత ఎత్తున ఆకాశంలో అందరికీ కనిపించింది. సింహవాహన సమారూఢ. వరాభూషణ భూషిత. నానాదివ్యాయుధధర. దివ్యాంబర పరిధాన. మందార సుమమాలికా విరాజమాన, రాజులంతా ఆశ్చర్యచకితులయ్యారు. సైనికులు నిశ్చేష్టులయ్యారు. ఎవరు ఈ సింహవాహన? కన్నదికాదు, విన్నదికాదు. ఏమిటి ఈ వింత అనుకున్నారు.