"СОНИН" подкаст #38 Монголын шилдэг зөнч, удган Б.БУЛНАЙ скачать в хорошем качестве

"СОНИН" подкаст #38 Монголын шилдэг зөнч, удган Б.БУЛНАЙ

МОНГОЛЫН ШИЛДЭГ ЗӨНЧ, УДГАН Б.БУЛНАЙ: ШҮТЛЭГГҮЙ ХҮМҮҮС ХАМГИЙН ИХ НҮГЭЛ ҮЙЛДЭЖ, НҮГЭЛ ҮЙЛДЭХИЙГ ЮМАН ЧИНЭЭ БОДДОГГҮЙ ЭМС ГЭР БҮЛ ҮЙМҮҮЛЖ, ХҮҮХЭД ӨНЧРҮҮЛСЭЭР БАЙНА ЭНЭ БОЛ ХҮҮХДИЙН БАЯРЫН ӨМНӨ ЯРИХ ЁСТОЙ ТОМ СЭДВИЙН НЭГ БАС НЭГ САНАА ЗОВООХ АСУУДАЛ НЬ ЦУС ОЙРТОЛТ МАШ ИХ БОЛСОН БАЙНА ТИЙМЭЭС УРАГ УДМЫН БИЧЭЭС БИЧВЭР ХӨТЛӨХ АСУУДЛЫГ СЭРГЭЭХЭД ОНЦГОЙ АНХААРМААР БАЙНА Хүүхдийн баяр хоёрхон хоногийн дараа болох гэж байна. Хүүхдийн баяр буюу Олон Улсын Хүүхдийн Эрхийг Хамгаалах өдөртэй холбоотой товч мэдээлэл хүргэхэд: анх 1995 онд Женевт Хүүхдийн сайн сайхны төлөө дэлхийн бага хурлын үеэр Олон Улсын Хүүхдийн эрхийг хамгаалах өдрийг тунхагласан байдаг. Харин Монгол Улс 1952 оноос 6-р сарын сарын 1-ний өдрийг "Хүүхдийн баяр" хэмээн тэмдэглэж иржээ. НҮБ-ын Ерөнхий ассамблей "Хүүхдийн эрхийн тунхаглал"-ийг 1959 оны 11 дүгээр сарын 20-д, "Хүүхдийн эрхийн тухай конвенц"-ийг 1989 оны 11 дүгээр сарын 20-д баталжээ. Түүнд дэлхийн хамгийн олон буюу 191 орон нэгдэн орсны дотор Монгол Улс 1990 онд 5 дахь орон болон нэгдэн орж байжээ. Энэ конвенцын үзэл санаанд нийцүүлэн УИХ-аас "Хүүхдийн эрхийг хамгаалах тухай" хуулийг 1996 онд баталжээ. Ингээд Хүүхдийн баярын өдрийг угтан "Сонин" подкаст, чөлөөт ярилцлага амттан сурталчлахыг эсвэл хүүхдийн төлөө ажилладаг гэх төр, хувийн хэвшлийн үйл ажиллагааг бүр цаашлаад сэтгэл зүйчийн үзэл бодлыг ч сонсохыг зорьсонгүй. Цоожтой хаалга, гэрэлгүй цонхны цаана хүүхэд бүү хүчирхийлэлд өртөөсэй, хүүхэд бүр элэг бүтэн, ээж аавтайгаа эрүүл өсөөсэй гэдэг асуудалд анхаарал хандуулахыг хүсэж удган Б.Булнайг энэ удаагийн зочны хоймортоо урилаа. Тэрээр "Улаачдын сорил буюу Зөн билгийн тулаан" нэвтрүүлгийн шилдэг оролцогч, Монголын шилдэг зөнч, удган билээ. Хоймор нутгийнхаа Булнай хайрхны нэрээр нэрлэгдсэн түүнтэй бид хүүхэд ээж аавтайгаа байснаар харц өөдөө, зөв өсөж хүмүүждэг асуудлыг илүүтэй ярилцахыг хүссэн юм. Учир нь сүүлийн үед гэр бүл үймүүлж, хүний эхнэр, хүүхдийн нулимсаар "хооллох" нүгэл үйлдэгч эмс олширч, түүний гол хохирогч нь хүүхэд болж хоцорсоор байгаатай холбоотой. Бүх хүн хүүхдэдээ аминаасаа илүү хайртай байдаг. "Хүүхдийн төлөө За" гэж хэлье гэдэг ч яг бодит амьдрал дээр хүүхдийнхээ өмнө эцэг эхчүүд хариуцлагаа үүрч чадаж байгаа юу гэдэгт түүнээс хариулт хайлаа. Удган Б.Булнай бөөгийн зан үйлийг эрхэмлэж, олон хүмүүст тусалж, буян болж явахын хажуугаар 2015 оноос өнөөдрийг хүртэл барилгын засвар үйлчилгээ, гадна фасадын чиглэлээр үйл ажиллагаа эрхэлдэг "Ариун-Ур" ХХК-ны ерөнхий захирлаар ажиллаж байна. Энэ жил тус компанийн 10 жилийн ой тохиож буй. Ингээд буруу хазгай гишгэх бүртээ, хүнийг гомдоож, хүний нулимсаар хооллох бүртээ өөртөө болон үр хойчдоо том нүгэл хурааж байдаг тухай бид ярилцлаа. Мөн та энэ ярилцлагаас лусын жилд хэрхэн гал, лусаа тахих болон ханийн тэнгэр дуудуулах, заяа тэнгэрээ тэтгэж, зөв амьдрах зэрэгт хариулт авснаар танд нэгэн сайхан оюуны бясалгал болно гэдэгт найднам. Бусдад хараагдахгүй, хэн нэгний хараалд өртөхгүй байх гол замнал нь хүнийг гомдоохгүй, хүнд нүгэл үйлдэхгүй байх гэж товч бөгөөд тодорхой хариулснаар бидний ярилцлага эхэллээ. Гэр бүл бүр салалтгүй, тогтвортой сайхан амьдрах болтугай. Энэ бүхний ард хүүхэд л хамгийн жаргалтай байх нь дамжиггүй. Монголын бүх сайхан үрст "Сонин" подкастын зүгээс Олон Улсын Хүүхдийн Эрхийг Хамгаалах Өдөр , Хүүхдийн баярын мэндийг өргөн дэвшүүлье. Монголын Үрс маш олон болох болтугай!!! Хүүхэд бүр ээж аавтайгаа элэг бүтэн, эрүүл саруул АЗ ЖАРГАЛТАЙ ӨСӨЖ ТОРНИХ БОЛТУГАЙ!!! 2025.05.30 Сэтгүүлч Г.Батхишиг