“СОНИН” подкаст #51 Сэтгүүлч С.БУДРАГЧАА скачать в хорошем качестве

“СОНИН” подкаст #51 Сэтгүүлч С.БУДРАГЧАА

Гэр бүлийн хүчирхийлэлд 22 жилийн турш байсан Н гэх хохирогч эмэгтэйн талаар шүгэл үлээж, баримтад тулгуурлан олон нийтэд мэдээлэл, нийтлэл нэвтрүүлэг хүргэсэн сэтгүүлч Сэрдамбын Будрагчааг "Сонин" подкаст зочноор урилаа. Тэрээр Монголын хэвлэл мэдээллийн салбарт эрэн сурвалжлах сэтгүүлзүйг хөгжүүлэхэд түүчээлж яваа залуу, чадварлаг, хөдөлмөрч сэтгүүлч. “Гэр бүлийн хүчирхийлэл" гэх монгол хэлний үгийн сангаас гээчихмээр, арилгачихмаар энэ муухай үг өгүүлбэр болоод хөндүүр эмзэглэм сэдвээр сэтгүүлч, сэтгүүлчтэйгээ зорьж ярилцлаа. Статистик мэдээгээр сүүлийн 2 жилд ГЭР БҮЛИЙН ХҮЧИРХИЙЛЭЛ 1.1-1.6 хувиар буурчээ. Буурч байгаа үзүүлэлт сайн ч зарим нөхөр гэх сэтэртэй араатнаас дор авирлагчид цоожтой хаалга, гэрэлгүй цонхны цаана эхнэр, хүүхдээ хүчирхийлсээр байна. Олон нийтэд шүгэл үлээж, зориглож хэлж байгаа нь хэдхэн болохоос хэчнээн айлд аймшигт балмад зэрлэг харгислал мэдэгдэхгүйгээр үйлдэгдсээр тэр хүчирхийлэгч гудамжинд гэмгүй царайлж алхаж яваа гэхэд хүйт даана. Гэр бүлийн хүчирхийлэлд өртсөн кэйс, үйлдэл, хохирогчийн тухай асуудлыг нэг сонсоод "ээ яана аа, ямар аймар вэ?" гэж халаглаад харамсаад өнгөрөх биш гэр бүлд ХҮЧИРХИЙЛЭЛ огт байх ёсгүйг бүх хүн сануулж, илчилдэг, хуулийн зүйл заалт ч үүнд хатуу байх ёстой болов уу. Гэр бүл амгалан бол Улс орон төвшин гэдэг. Айл бүхний цонх гэрэлтэй, хүүхдийн инээх дуу цангинаж, ГЭР БҮЛ бүхэн ХҮЧИРХИЙЛЭЛГҮЙ амар тайван амьдрах болтугай. ХҮЛЦЭЖ, ХОРОМ Ч ТЭВЧИЖ ЭС БОЛОХ ЗҮЙЛ БОЛ БҮХ ТӨРЛИЙН ХҮЧИРХИЙЛЭЛ. 2025-10-20 Сэтгүүлч Г.Батхишиг