బామ్మ చెప్పిన బాటలో скачать в хорошем качестве

బామ్మ చెప్పిన బాటలో

సాయంత్రం ఆఫీసు నుండి ఇంటి కొచ్చేసరికి అలసట వచ్చేసింది. ఒక కప్పు కాఫీ తాగితే కానీ అలసట తగ్గదను కుంటూ గుమ్మంలోకి అడుగు పెట్టాను. నేను రోజూ ఇంటికొచ్చే సమయానికి మా అమ్మాయి రుక్కు హాల్లో సోఫాలో కూర్చుంటుంది. కాసేపు టి.వి. తోనో, ల్యాప్టాప్ తోనో కాలక్షేపం చేస్తూ ఉంటుంది. బీ.టెక్ కంప్లీట్ చేసింది కదా, సాఫ్ట్ వేర్ ఇంజనీర్ జాబ్ కోసం ప్రయత్నాలు చేస్తోంది. వాళ్ళు సాంకేతిక సాధనాలతో కాలక్షేపం చేసినా అది ఎడ్యుకేషనే అని నా అభిప్రాయం. కానీ రుక్కు హాల్లో లేదు. తన బామ్మ అంటే మా అత్తగారు, రుక్కు ప్లేస్ లో దర్జాగా కూర్చొని టీ.వి. చూస్తోంది. “బామ్మా! షుగర్ ఎన్ని స్పూన్స్ వేయమంటావ్?” రుక్కు కిచెన్ రూమ్ లో నుండి అడుగుతోంది. “రెండు స్పూన్స్ వేయి. అది కూడా అడగాలా?” కొంచెం వెటకారాన్ని కలగలుపుతూ అంటోంది అత్తయ్య. గుమ్మంలో నన్ను చూడగానే “పల్లవీ!,వచ్చావా? అమ్మ ఆఫీసు నుండి అలసిపోయి వస్తుంది కదా! అమ్మ కోసం కప్పు కాఫీ కలపమని రుక్కుతో అన్నాను. “నాకు కాఫీ తాగడమే తప్ప కలపడం రాదంది.!” ఆ మాట వినగానే ముందు ఆశ్చర్య పోయాను.”నేర్చుకుంటే రానిదంటూ ఉండదు,! ఆడపిల్లవు కదా! వంటా-వార్పూ రాకపోతే ఎలా? నేను నేర్పుతానులే! అన్నాను. అత్తయ్య గొప్పగా నవ్వుతూ అన్న మాటలు నాకు నచ్చలేదు.