Бекасыл Биболатұлы атындағы мектеп – білім мен руханияттың ордасы скачать в хорошем качестве

Бекасыл Биболатұлы атындағы мектеп – білім мен руханияттың ордасы

Бекасыл Биболатұлы атындағы мектеп – білім мен руханияттың ордасы Төлеби ауданының Қасқасу ауылдық округіне қарасты Кеңес ауылында орналасқан Бекасыл Биболатұлы атындағы жалпы орта мектеп – өңірдегі ерекше әрі беделді білім ордаларының бірі. Танымал философ, математик Бекасыл Биболатұлының есімі берілген бұл мектеп бүгінде аудандағы білім сапасы жоғары, алдыңғы қатарлы оқу орны саналады. Қазіргі таңда аталған мектепте мыңға жуық оқушы сапалы білім алып, түрлі бағыттарда өз қабілеттерін шыңдап келеді. Осыған орай, “Сақ” порталының редакциясы білім ошағының тыныс-тіршілігімен арнайы танысып қайтты. Мектеп директоры Нәсілбек Мырзақозыұлы оқу орнының жетістіктері мен жаңалықтары туралы кеңінен баяндап берді. Мектеп ауласында Бекасыл Биболатұлының еңселі ескерткіші орнатылған. Бұл — жас ұрпаққа рух беріп, отансүйгіштік пен парасаттылыққа тәрбиелейтін тағылымды нышан. Сондай-ақ, мектеп ішінде әйгілі ғалымның өмір жолына, еңбектері мен мұраларына арналған арнайы музей жұмыс істейді. Мұнда Бекасыл Биболатұлының ғылыми еңбектерімен қатар, осы өңірден шыққан көрнекті тұлғалар жайлы деректер де жинақталған. Өткенге құрмет, болашаққа бағдар деген ұстаныммен жасалған бұл музей – мектеп ұжымының үлкен еңбегінің нәтижесі. Білім ордасының ішкі келбеті де заманауи талаптарға сай. Әрбір кабинет пән бағытына сәйкес безендіріліп, оқушылардың қызығушылығын арттыратындай етіп жасалған. Мұғалімдер қауымының белсенділігі мен әдістемелік дайындығы да жоғары деңгейде. Биылғы жылы мектеп ауласында жаңа спорт ғимараты пайдалануға берілді. Мұндай мүмкіндік ауыл мектептерінде сирек кездеседі. Бұл нысан ауыл балаларына денсаулығын нығайтып, спортпен жүйелі айналысуға кең жол ашты. Аталған спорт кешенін ауылдың тумасы, кәсіпкер, “Ақсуат ЖШС” директоры Ермек Сарыбасов өз қаражатына салып, ауыл балаларына тарту етті. Бұл игілікті іс – туған жерге деген сүйіспеншілік пен жауапкершіліктің жарқын үлгісі. Міне, бүгінде Бекасыл Биболатұлы атындағы жалпы орта мектеп – білім мен ғылымды, руханият пен өнегені ұштастырып отырған нағыз үлгілі оқу орнына айналды.