ការធ្វើជំរឿនវិស័យអប់រំ និងសុខាភិបាល скачать в хорошем качестве

ការធ្វើជំរឿនវិស័យអប់រំ និងសុខាភិបាល

ការចុះធ្វើជំរឿនមន្ត្រីជាក់ស្តែង ទាំងវិស័យអប់រំ ទាំងវិស័យសុខាភិបាល ទូទាំងរាជធានីភ្នំពេញ បានបញ្ចប់រួចរាល់ បន្ទាប់ពីបានអនុវត្តដោយជោគជ័យនៃការធ្វើជំរឿនមន្ត្រីជាក់ស្តែង នៅក្រសួងមុខងារសាធារណៈ គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង បានបន្តបេសកកម្មជំរឿន នៅតាមគ្រឹះស្ថានសិក្សាសាធារណៈ និងអង្គភាពសុខាភិបាលមូលដ្ឋាន ទូទាំងរាជធានីភ្នំពេញ។ សម្រាប់អង្គភាពសុខាភិបាលមូលដ្ឋាន គណៈកម្មការងារជំរឿន បានចុះធ្វើជំរឿនមន្ត្រីជាក់ស្តែងនៅតាមមន្ទីរពេទ្យបង្អែកដែលអនុវត្តសំណុំសកម្មភាពបង្រ្គប់កម្រិត២ (CPA២), មន្ទីរពេទ្យបង្អែកដែលអនុវត្តសំណុំសកម្មភាពបង្រ្គប់កម្រិត១ (CPA១), មណ្ឌលសុខភាព និងប៉ុស្តិ៍សុខភាព ស្ថិតក្រោមសមត្ថកិច្ចការិយាល័យសុខាភិបាលស្រុកប្រតិបត្តិទាំង៧ នៃរដ្ឋបាលរាជធានីភ្នំពេញ សរុបចំនួន ៥៧អង្គភាព។ ដោយឡែកសម្រាប់វិស័យអប់រំ គណៈកម្មការជំរឿន បានចុះធ្វើជំរឿនមន្ត្រីជាក់ស្តែងនៅតាមវិទ្យាល័យ, អនុវិទ្យាល័យ, បឋមសិក្សា និងមត្តេយ្យសិក្សា សរុបចំនួន ២៥០សាលារៀន ដែលស្ថិតក្នុងភូមិសាស្ត្ររដ្ឋបាលខណ្ឌទាំង១៤ នៃរាជធានីភ្នំពេញ។ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនាពេលនេះ ធ្វើឡើងក្នុងគោលបំណង ដើម្បីទទួលបានទិន្នន័យច្បាស់លាស់ ឯកភាពគ្នា និងប្រើប្រាស់បានរួមគ្នា។