# Home Economic - Grade 11 скачать в хорошем качестве

# Home Economic - Grade 11

ප්‍රසන්න ජිවන පරිසරයක් ඇති කරගැනීම සඳහා නිවසෙහි අභ්‍යන්තර හා ඉන් පිටත භාහිර පරිසරය ක්‍රමවත් ලෙස හා අලංකාර ලෙස සකස් කර පවත්වා ගැනීම මගින් එහි ජිවත් වන්නන්ට ප්‍රශස්ත වූ පරිසරයක් ගොඩනගා ගත හැකි වනු ඇත .එබැවින් නිර්මාණකරණ කාර්යයේ දී කලා මුලිකාංග හා මෝස්‌තර මූලධර්ම නිසි ලෙස යොදාගන්නේ කෙසේ දැයි දැනසිටීම වැදගත්වේ. නිවසක අභ්‍යන්තර අලංකරණයට රේඛා , හැඩ , වයනය මෙන්ම වර්ණ ගැලපුම් යොදාගැනීමේ දී නිවසේ ඒ ඒ කොටස් වලින් ඉටුවන කාර්යය සමඟ ගැලපෙන හා සහයෝගයක් වන අයුරින් සිදු කළ යුතු වේ. යම් ස්ථානයක ගෘහ භාණ්ඩ තැන්පත් කිරීමේදී හා එම ගෘහ භාණ්ඩ අලංකාරය හා ආකර්ෂණය ඇති කර ගැනීමට , තුලනය , රිද්මය ,එකඟත්වය හා සමානුපාතය යන මෝස්‌තර මුලධර්ම කෙරෙහි අවධානය යොමුකිරිම තුළින් හැකියාව ලැබෙනු ඇත. ඉතින් දුවේ, පුතේ ..... ගෘහ නිර්මාණ ශිල්පියෙකුගේ ඇසින් දැක අප ජිවත්වන නිවාස තුල මෙන්ම ඉන් පිටත අපේ ගෙවත්ත පිරිසිදුව ලස්සනට පවත්වාගෙන යන්නේ කොහොමද ? ඒ සඳහා කලා මුලිකාංග හා මෝස්‌තර මුලධර්ම පිලිබඳ අවබෝධයක් තිබීම කොතරම් වැදගත් දැයි ,අපි ඉගෙනගනිමු . එමගින් දැනුමට යමක් එකතු කර ගන්නට ,පාඩම් හොදින් අවබෝධ කරගන්නට මෙම පාඩම් කොටස ඔබට අත්වැලක් වේවි.