Rusiya Paşinyanı niyə devirmək istəyir? скачать в хорошем качестве

Rusiya Paşinyanı niyə devirmək istəyir?

İrəvan son bir neçə həftədir siyasi böhranla üz-üzədir. Həftələrdir İrəvan Paşinyan-Katalikos 2-ci Qaregin qarşıdurmasına səhnə olur. Onların münasibəti hələ 2-ci Qarabağ müharibəsindən sonra pozulub. Paşinyanı məğlubiyyətdə ittiham edən Qaregin onun istefasını istəyirdi. Paşinyan isə kilsə rəhbərini əvvəlki hökumətlə əlaqələrinə görə cinayətkar adlandırır. Ermənistanda kilsə dindən başqa hər şeylə məşğul olub. Erməni keşişlər hətta terroru dəstəkləməkdən də çəkinməyib. Bu işdə dəstəkçiləri isə erməni diasporu olub. Hazırkı baş nazir-katalikos gərginliyinin iştirakçıları da elə Rusiyadan idarə olunanlardır. Bir müddət əvvəl kilsəyə yaxınlığı ilə seçilən rus-erməni iş adamı Samvel Karapetyan həbs edildi. O, hakimiyyətin ələ keçirilməsində cəhddə ittiham olunur. Bunun ardından küçə etirazlarının lideri Baqrat Qalstanyan da saxlanıldı. Bu o Baqratdır ki, ötən il Azərbaycanla sərhədlərin müəyyənləşməsinə etiraz edir və Paşinyanı istefaya səsləyirdi. Onun da Moskvadan idarə olunduğu deyilirdi. Paşinyanın sözlərinə görə, Ermənistanda dövlət çevrilişinin qarşısı alınıb. Bu cəhdin arxasında isə Kreml dayanır. Moskva Paşinyanın söylədiklərinə açıq münasibət bildirməsə də, baş verənləri Ermənistanın daxili məsələsi adlandırır. Əslində isə Ermənistanı heç cür tərk etmək istəməyən Rusiyanın bu ölkədə qalmaq üçün hər şeyi edəcəyi inandırıcı görünür. Bir sözlə, Ermənistanda siyasi mübarizənin kəskin mərhələsi başlayıb. Bu mübarizə artıq şəxsi müstəviyə və təhqirə də keçib. Məlumdur ki, Ermənistanda revanşist qüvələr kifayət qədərdir. Onlar Azərbaycanla sülh əvəzinə, yeni müharibə eşqi ilə alışıb yanırlar. Paşinyan indi o revanşistləri bir-bir zərərsizləşdirir. Təbii ki, baş nazir bunu öz poztunu qorumaq üçün edir. Amma hesab edilir ki, Paşinyan-katalikos qarşıdurması Ermənistan cəmiyyətində parçalanmaya səbəb ola, Azərbaycanla sülh danışıqlarına təsir edə bilər. Bəs, Paşinyan bu mübarizədə hara qədər gedəcək? İndi əsas sual budur. Bizi İzləyin: Whatsapp: https://whatsapp.com/channel/0029Va8Q... Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet