Kuier Rapport Matriekklas: Geskiedenis Les 1 скачать в хорошем качестве

Kuier Rapport Matriekklas: Geskiedenis Les 1

Matrikulante, baie welkom by die Kuier Rapport Matriekklas 2020 op #MySkool op Netwerk24! Ons weet die Covid-19-pandemie het jul laaste skooljaar op sy kop gekeer en dat die eindeksamen van julle dalk angstig maak, maar die Kuier Rapport Matriekklas 2020 is hier om te help. Die Kuier Rapport Matriekklas 2020 vervang Kuier se jaarlikse Winterskool-projek en is vanjaar heeltemal digitaal. Kuier en die Rapport Onderwysfonds (ROF) in samewerking met Netwerk24 en kykNET het kragte saamgespan om ervare onderwysers in te span om vir julle videoklasse in Afrikaans aan te bied. Baie van hierdie onderwysers is ook vakadviseurs en sien eindvraestelle na, so hulle weet waarvan hulle praat. Hierdie klasse is daarop gemik om matrikulante so goed as moontlik voor te berei vir die eindeksamen en om onderwerpe te behandel wat moontlik in die eindvraestel gedek gaan word. Kuier is ook baie dankie vir Hoërskool Curro Durbanville wat hul geriewe om die videoklasse in op te neem, gratis beskikbaar gestel het. Die videoklasse gaan beskikbaar wees vanaf 17 Augustus tot 22 Desember 2020. Dus sal julle soveel kere as wat julle wil na die lesse kan kyk. Die agt vakke wat gedek word, is: • Afrikaans Huistaal • Engels Eerste Addisionele Taal • Wiskunde • Wiskundige geletterdheid • Lewenswetenskap • Besigheidstudies • Geskiedenis • Toerisme Hulplyn: Behalwe die videoklasse gaan matrikulante gaan ook toegang hê tot ’n tolvrye hulplyn (080 111 22 34) waar onnies reg staan om te help as jy vrae het oor die vakke hierbo. En as die stres bietjie erg raak, kan matrieks én ouers hierdie hulplyn skakel vir sielkundige hulp. Maar onthou die sielkundige bystand is net beperk tot matrieks en hul skoolwerk; niks anders nie. So, vertel al jul matriekvriende en ja, selfs jul onnies, om in te skakel. Want sáám kan julle die wa deur die drif trek en ons staan bankvas agter élke matrikulant! • Vir enige verdere navrae, stuur ’n e-pos na [email protected]