Salama Na MZEE YUSUPH SE6 EP12 |QANUN PART 1|SendTip MPESA LIPA NO 5578460 скачать в хорошем качестве

Salama Na MZEE YUSUPH SE6 EP12 |QANUN PART 1|SendTip MPESA LIPA NO 5578460

#SalamaNa #SendTip Through MPESA #5578460 Mzee Yusuph ni Kaka yangu, namfahamu kwa kiasi toka tulipokua wadogo, tulikua tukienda skuli moja enzi hizo. Mimi namkumbuka yeye vizuri kama MCHEKESHAJI kabla ya kuamua kufanya muziki wa Taarab, siku zote alikua mtu anayeweza kusimama mbele za watu na kusababisha watu kufurahi… Pengine ndo maana mpaka leo, yeye ni SUPERSTAR wa muziki wa mwambao, hautaweza kumuelezea mtu MAPINDUZI makubwa yaliyofanyika kwenye mziki huu mwanzoni mwa miaka ya elfu mbili bila ya jina lake kutajwa, tena mara nyingi. Mzaliwa wa Unguja na wazazi wenye asili ya Bara, Mzee ni mcheshi na asiye na woga, kwake yeye kuanzisha safari nyengine wakati hii aliyopo akiona inasuasua hawezi kujiuliza mara mbili, na akiamua huwa hana kurudi nyumba kabisa. Kwangu naamini hii ni moja ya nguvu zake, njia yake na mafanikio alonayo yalianzia hapa! Baada ya kukaa na ‘waasisi’ na kuona jinsi wanavyoendesha kazi zao, basi yeye alisoma mengi ambayo yalimfanya awe tofauti na walomtangulia, tena sana. Nilipozungumza naye alianzia nyuma kwa kunieleza chimbuko la asili yake kwa upande wa Baba na Mama yake, kama kulikua na asili ya muziki au yeye ndo muanzilishi hayo yote alinielezea kwa urefu hasa. Jinsi Baba na Mama yake walivyokutana. Na nani alimfundisha yeye kupenda Taarab, pia tukumbuke Dada yake Khadija naye ni muimbaji tena muimbaji mzuri tu, kwahiyo tunaweza kusema familia yao imeweza kutoa ma superstar wa nguvu wawili ambao wameufanyia mziki wa Taarab mengi tu mazuri Mashallah. Ushindani kwenye Taarab mimi kwa imani yangu unakua mara dufu wa ule wa kawaida na nitakuambia kwa nini, Taarab sifa yake ni kusema, kusuta, kumfanya mtu ajione hana maana, kutamba na mengine mengi, kwahiyo basi watu wa Taarab wakiwa wanashindana basi wewe kaa tayari kujifunza maneno na misemo mipya, si unakumbuka majibizano maarufu kati ya Bi Khadija Kopa na Marehemu Nasma Khamis Kidogo? Ile jibizana ilikua si ya nchi si unakumbuka? Kama ulikua mdogo na hiyo Drama ilikupita pengine nikushauri uanze kumfuatilia mziki huu na nakuahidi BURUDANI. Huo ndo USHINDANI, huku mtu anaweza akaambiwa maneno mpaka akatamani watu wasimjue tena. Ni BRUTAL Muda si mwingi umepita toka Mzee Yusuph autangazie ulimwengu kwamba anarudi kwenye kiti chake kama MFALME wa Taarab. Hiyo ilitokea baada ya Bwana huyu kuutangazia ulimwengu kwamba hataki tena kufanya muziki na badala yake ameamua kutumia sauti yake kwa kumtukuza Allah Subhana Wa Taala. Habari hizi mbili sote zilipokelewa kwa mshtuko mwingi, ile ya kwanza ya yeye kuacha muziki, na hii ya pili ya yeye kutaka kiti chake. Kwa mujibu wa walimwengu Mzee aliongea mambo mengi sana wakati anaacha mziki na aliporudi sasa ilimfanya awe na maswali meeeengi ya kujibu kutoka kwa wananchi. Na huwezi kuamini Mzee amekua akienda nao jino kwa jino kwenye majibu ya maswali yenye maana na tashtiti anazopokea amekua akizituliza vizuri tu na kujibu bila ya kupepesa kope. Sisi na yeye hakutuacha kitu, kama ni sufuria basi tulihakikisha na ukoko hatumuachii mkoshaji, tulikwangua! Yetu matumaini nawe uta enjoy kuskiliza na kuangalia episode hii. Happy Holidays, Love, Salama. Support us through https://anchor.fm/yahstonetown/support SUBSRIBE TO OUR CHANNEL https://bit.ly/YahStoneTownSubs Listen our Podcast on Spotify Link https://spoti.fi/2Uxr6Cm‬ ‪ApplePodcast Link https://apple.co/2Ou1bru‬ GooglePodcast Link https://bit.ly/GooglePodcastSalamaNa Audiomack Link https://bit.ly/YahStoneTownAudioMack ‪YouTube Link http://bit.ly/YoutubeSalamaNa Soundtrack Yeah by @MarcoChali    • Marco Chali Feat One The Incredible & Msam...   Follow: Twitter:   / yahstonetown   Instagram:   / yahstonetown   Facebook:   / yahstonetown   Channel Administered by Slide Digital Instagram: www.instagram.com/slidedigitaltz