Raj Palace Resort | Budgeted Pet-Friendly Hotel in Ranthambore Full Tour and Review 4K скачать в хорошем качестве

Raj Palace Resort | Budgeted Pet-Friendly Hotel in Ranthambore Full Tour and Review 4K

21st century agar apne saath aaj ki generation ke liye kuch laayi hai, toh wo hai, bohot si opportunities, adhoonik technology aur bohot saara depression. Pehle har cheez ki value hua karti thi, saal mein ek baar birthday pe cake khane ko milta tha, koi special occasion ho toh pepsi cola samosa milte the. Par ab sab kuch itni asaani se mil jaata hai ki kisi bhi cheez ki value nahi bachi. Lekin jaise jaise depression bada, logon ne usko duur karne ke tareeke bhi dhund liye. Koi ghumne jaata hai, koi hobby follow kar leta hai aur koi apne paas ek pet animal rakh leta hai. Aur jinn jinn ke paas pet animal hai, wo toh jaante aur maante hi honge ki wo sirf pet nahi balki family member jaise ban jaate hain. Ghuma fira ke intro dene ke liye maafi, magar aaj ka ye video Ranthambore mein bane ek aise resort ka hai, jahan pe aap apne paltu janwar bhi saath mein laa sakte hain. December 2023 mein hum aa gaye Raj Palace resort jo ki Sawai Madhopur ki main road pe bana hai. Toh chaliye andar chalte hain aur yahan ka poora tour lete hain. Ye resort ko chunne ka humara sabse bada reason iski location tha. Ye zone 1-5 aur 6-10 ke ekdum beecho beech padhta hai toh yahan pe asaani se jeep/canter ka pickup ho jaata hai. Ghuste hi sabse pehle chalte hain Souveneir shop pe. Iss hotel ki hume sabse achi baat agar koi lagi toh wo thi souveneir shop. Itne ache tareeke se ye manage kar rahe the, ki har thodi der mein na hi customers sirf aa rahe the, balki kuch na kuch khareed ke bhi le jaa rahe the. Sundar Sundar paintings, kuch hi ghanton mein sil ke dene wale kapde, aur bhi Ranthambore ke momentos leke aap yahan se achi achi yaadein leke jaa sakte hain. Aur ye shops se Indians zyada khareeden na khareeden, foreigners zarur khareedte hain. Ye hotel Ranthambore ke kayi hotels jaisa ekdum royal Rajasthani touch pe bana hai. Wo ancient haveli wala feel aa raha tha. Interiors utne premium nahi the par pricing ke hisaab se theek hi the. Humne 3 nights ke 2 logon ke with breakfast and dinner total 16,500 diye jisme humare saath humari pet cat – jiska naam Burger hai, bhi ruki thi. Ye jo area aap dekh rahe hain ye shaam ko mehfil jamane ke liye bana tha. Yahan pe ek chota sa open bar tha, aur ek screen bhi lagi thi jispe wildlife documentaries chal rahi thi. December ka time shaadiyon ka season bhi hota hai aur tourism ka bhi. Toh aise mein roz hi har resort kuch na kuch arrangement zarur karte hain. Chaliye aage badhte hain aur aapko property ka poora tour dete hain. Thand ke Mausam mein koi use toh nahi kar raha tha par yahan pe ek bada sa swimming pool bhi hai. Jo andar ka build up area hai wo photos khinchwane ke liye bohot hi acha hai. Humne bhi kuch photos kheenchi thi jo aapko dikhate hain. (yahan apni wali daal dena 5-6 with click click sound at each pic change) Iss resort ka humara experience ok ok tha. Waise rehne mein koi dikkat nahi aayi par do-teen cheezein thi jo hume thoda bother kar gayi. Pehla ki yahan pe paani se leke coke tak sab premium price pe tha. Ek thums up ka 35 rs ka can 100 rs ka. Dusra, ki khane ki quality utni achi nahi thi jitni Ranthambore ke baaki resorts ki hoti hai. Aur teesra, bahar se property jitni sundar thi, yahan ke rooms ka furnishing utna maintained nahi tha. Chaliye aapko bhi room ka tour dete hain. Par chaliye hotel ko toh aap kahin bhi ruken, hum toh jungle wildlife experience karne aate hain aur iss trip mein hume bohot si unique sighting hui. Hyena, Leopard, tigress with cubs on fort road aur itna hi nahi, buffer zone 8 mein beautiful tigress sighting. Ye sab dekhne ke liye humare channel ko subscribe karen. Aur aane wala koi bhi video miss na karen. Jald hi wapas aaenge aise aur videos ke saath. Tab tak liye apna khayal rakhiye.