Top Channel/ Trump-Putin, takim në Romë të hënën? Presidenti i SHBA telefonon Melonin скачать в хорошем качестве

Top Channel/ Trump-Putin, takim në Romë të hënën? Presidenti i SHBA telefonon Melonin

Ndërsa Roma po flitet si vendtakimi i Donald Trump me Vladimir Putin javën e ardhshme, Presidenti amerikan telefonoi kryeministren e Italisë, Giorgia Meloni. Mediet italiane shkruajnë se Trump i ka propozuar Melonit që të hënën të organizojë takimin e tij me homologun rus në kryeqytetin e Italisë. Meloni pranoi menjëherë dhe, disa orë më vonë, senatori Rubio propozoi zyrtarisht Romën gjatë një takimi të këshilltarëve për sigurinë kombëtare të Italisë, Francës, Shteteve të Bashkuara, Gjermanisë, Britanisë, Ukrainës dhe Finlandës. Presidenti ukrainas Zelensky u shpreh menjëherë dakord, duke thënë se ishte “shumë pro” kësaj ideje, por Rusia reagoi po aq shpejt, duke bërë të ditur se “e konsideron Italinë shumë të afërt me Ukrainën”. Por ka edhe një pengesë tjetër, pasi Putin është nën urdhër arresti ndërkombëtar të lëshuar nga Gjykata Penale Ndërkombëtare, dhe kjo ka ndikuar në vendimin për vendin e takimit. Vetë Presidenti rus tha se “Kemi shumë miq të gatshëm të na ndihmojnë për të organizuar një takim të tillë. Njëri prej tyre është presidenti i Emirateve të Bashkuara Arabe, Mohammed bin Zayed, i cili po viziton Rusinë. Mendoj se do të vendosim, dhe ky do të ishte një nga vendet më të përshtatshme”. Po ashtu, opsioni i Vatikanit nuk është përjashtuar, por nuk duket më shumë i mundshmi. Nga Selia e Shenjtë thonë se “Disponueshmëria ekziston dhe mbetet. Pastaj do të shohim…”. Nuk është sekret që Vatikani ka ofruar prej kohësh ndihmën e tij për të ndihmuar në zgjidhje diplomatike të konflikteve, jo vetëm në Ukrainë. Këtë e ka thënë edhe Papa Françesku dhe e ka përsëritur me qartësi Papa Leone XIV më 14 maj, ku tha se: “Selia e Shenjtë është gati që armiqtë të takohen dhe të shohin njëri-tjetrin në sy… Popujt duan paqe dhe unë u them udhëheqësve: le të takohemi, të dialogojmë, të negociojmë! Lufta nuk është kurrë e pashmangshme, armët mund dhe duhet të heshtin”. Ndërkohë, sot kryeministri i Polonisë, Donald Tusk, u shpreh pas një bisede me Presidentin ukrainas, Volodymyr Zelenskyy, se beson që konflikti ushtarak Rusi-Ukrainë mund të shkojë drejt "ngrirjes" më shpejt nga sa pritej. “Ka disa sinjale, dhe një ndjesi personale, që ndoshta do të kemi një ‘ngrirje’ të konfliktit. Nuk dua të them se lufta do të marrë fund, por një ‘ngrirje’ e situatës mund të ndodhë më shpejt nga sa mendohej”, tha Tusk para gazetarëve. Nga ana tjetër, presidenti Putin bisedoi me udhëheqësin kinez, Xi Jinping, për zhvillimet e fundit diplomatike. Xi përshëndeti bisedimet mes Rusisë dhe SHBA-së, dhe shprehu mbështetje për një zgjidhje politike afatgjatë për konfliktin e Moskës me Kievin. “Nuk ka zgjidhje të thjeshta për çështje komplekse”, u citua të ketë thënë Xi, duke u zotuar se Kina do të vazhdojë të promovojë dialogun për të zgjidhur konfliktet rajonale. Pamjet: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Trump#Putin#TopChannelNews