Қырық хадис 8-дәріс. 2-хадис. 3-бөлім. Ұстаз: Омар Теміртас скачать в хорошем качестве

Қырық хадис 8-дәріс. 2-хадис. 3-бөлім. Ұстаз: Омар Теміртас

2 – ХАДИС Омар ибн әл-Хаттаб (р.а.) былай деп баяндаған: «Бір күні біз Алла елшісінің ﷺ қасында отырғанымызда аппақ киімді, қою қара шашты бір адам келді. Одан сапар белгілері байқалмады және оны арамызда ешкім танымады. Ол пайғамбардың ﷺ тізелеріне тізелерін тиістіріп отырды да, қолдарын сандарына қойып: «Уа, Мухаммад! Маған ислам туралы хабар бер», – деді. Алла елшісі ﷺ: "Ислам дегеніміз – сенің "Алладан басқа құлшылыққа лайықты құдай жоқ және Мухаммад – Алланың елшісі", - деп куәлік беруің, намаз оқуың, зекет беруің, рамазан оразасын тұтуың және шамаң келсе қажылық жасауың", – деп жауап қайтарды. Жаңағы адам: «Сен рас айттың», – деді. Ал біз оның сұрақ беріп және оны мақұлдап, растағанына таңғалдық. Сонан соң ол: «Енді маған иман туралы хабар бер», – деді. Алла елшісі ﷺ: "Ол – сенің Аллаға және Оның періштелеріне, кітаптарына, елшілеріне, Қиямет күніне, сондай-ақ тағдырға: оның жақсылығы мен жамандығына иман келтіруің", – деді. Ол тағы да: «Сен рас айттың», – деді де: «Сен маған енді ихсан туралы айтып бер», – деді. Алла елшісі ﷺ: "Ол – сенің Аллаға Оны көріп тұрғандай құлшылық қылуың, егер Оны көріп тұрғандай бола алмасаң, Ол сені көріп тұрғандай (құлшылық қылуын)", – деді. Сонан соң әлгі кісі: «Ал енді маған Сағат қашан болатын туралы айтып бер», – деді. Алла елшісі ﷺ: «Ол туралы сұралушы сұраушыдан артық білмейді», – деді. Ол: «Онда оның белгілері туралы айтып бер», – деді. Алла елшісі ﷺ: "Күң өз ханшасын туады және жалаңаяқ, жалаңаш қой соңындағы кедейлер биік үй салуда жарысқандарын көресің", – деді. Сонан соң әлгі адам кетіп қалды. Мен біраз отырдым. Бір кезде Алла елшісі ﷺ: "Әй, Омар! Сұрақ қоюшының кім екенін білесің бе?" – деді. Мен: «Алла мен Оның елшісі жақсырақ біледі», – дедім. Сонда Ол ﷺ: "Расында, бұл Жибриль, сендерге діндеріңді үйрету үшін келді ғой". – деді". Хадисті Муслим риуаят еткен.