"Alarm i kuq" mes Kurbinit e Matit, zjarr masiv në Skuraj скачать в хорошем качестве

"Alarm i kuq" mes Kurbinit e Matit, zjarr masiv në Skuraj

Një zjarr ka përfshirë një sipërfaqe me shkurre dhe bimësi në zonën e Skurajve në Kurbin. Zjarri është i përhapur në 3 vatra, të cilat vijojnë të jenë aktive që prej pasdites së së shtunës, 19 korrik, mes dy bashkive Kurbin dhe Mat. Gjatë ditës së sotme, 20 korrik, po punojnë në terren zjarrfikësit e Kurbinit dhe 30 ushtarë. Ndërsa që prej së shtunës në mbrëmje janë angazhuar zjarrfikës nga bashkitë Kurbin, Mirditë, Lezhë, Kamëz, të drejtuar nga drejtuesi i Shërbimit Zjarrfikës në vend, Arben Cara. Sipas informacioneve, aktualisht janë djegur vetëm dy banesa, të cilat kanë qenë prej kohësh të pabanuara, ndërsa falë ndërhyrjes së forcave zjarrfikëse është parandaluar djegia e disa banesave të tjera. Dyshimet e para janë për zjarrvënie të qëllimshme, ndërsa autoritetet kërkojnë vigjilencë të shtuar për vënien para përgjegjësisë së autorëve të këtyre zjarreve dhe për parandalimin e ngjarjeve të tilla. Momentalisht, raportohet se situata është nën kontroll. Muajin e fundit, Shqipëria është përfshirë nga një valë zjarresh të fuqishme që kanë prekur disa zona të rëndësishme natyrore, që nga mali i Dukatit e deri te Parku Kombëtar i Llogarasë. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan