DIVINE MOTHER SADGURU SREE RAMA DEVI - PART - 2 скачать в хорошем качестве

DIVINE MOTHER SADGURU SREE RAMA DEVI - PART - 2

ഗൃഹസ്ഥരായിരിക്കുന്നവർക്ക് സ്വന്തം വീട്ടിലിരുന്ന് നിഷ്ഠയോടെ സാധന ചെയ്താൽ പരമപദത്തിലെത്താം എന്ന് സ്വന്തം ജീവിതത്തിലൂടെ കാണിച്ച് തന്ന് അനേക ലക്ഷം വ്യക്തികൾക്ക് ഉപദേശ ദീക്ഷ കൊടുത്ത് സംസാരദുഃഖത്തിൽ നിന്ന് മുക്തരാക്കിയ സദ്ഗുരു ശ്രീരമാ ദേവി യോഗാവസ്ഥയിലെ പരമപദമായ നിർവ്വികൽപസമാധിയെ പ്രാപിച്ചിട്ടുണ്ട്. അമ്മ പരാശക്തിയുടെ അവതാരമാണെന്ന് അന്ന് അമ്മയുടെ അവതാരലീലകൾ കണ്ടവർ വ്യക്തമാക്കിയിട്ടുണ്ട്. അത് അമ്മയെ കാണാൻ സാധിച്ചവർക്കൊക്കെ അനുഭവവേദ്യമായ കാര്യവുമാണ്. ജീവിത യാത്രയിൽ പല അമ്പലങ്ങളിലും ആ ദേവിയുമായി താദാത്മ്യം പ്രാപിച്ച് സമാധി അവസ്ഥയിൽ നിൽക്കുന്ന സ്ഥിതി അത്ഭുതവും ഭക്തിയും ഉളവാക്കുന്ന സംഭവമായി അന്ന് അമ്മയുടെ കൂടെയുള്ളവരും അമ്മയെ കണ്ടുവരും എല്ലാം വ്യക്തമാക്കിയിട്ടുണ്ട്. എന്റെ മുത്തശ്ശിയും മുത്തശ്ശനും മുതൽ ഇങ്ങോട്ട് എല്ലാവരും അമ്മയിൽ നിന്ന്‌ ഉപദേശ ദീക്ഷ വാങ്ങി അമ്മയുടെ ശിഷ്യരായവരാണ്. രണ്ട് കാലിനും സ്വാധീനമില്ലാതിരുന്ന എന്റെ വല്യച്ഛനെ തൃശ്ശൂർ രമാദേവി മന്ദിരത്തിൽ പ്രതിഷ്ഠ കഴിഞ്ഞതു മുതൽ അമ്മ തന്നെ പൂജാരിയാക്കി. അദ്ദേഹത്തെ അറിയുന്നവർക്കെല്ലാം അറിയാം അദ്ദേഹം ശരീരത്തിന്റെ ബുദ്ധിമുട്ടുകൾ മറന്ന് സന്തോഷവും സമാധാനവും തന്റെ ഉള്ളിൽ ധാരാളം ഉള്ളയാളാണെന്നും അത് മറ്റുള്ളവർക്ക് പകർന്ന് നൽകാൻ കഴിവുള്ള ആളായിരുന്നു എന്നും. അദ്ദേഹത്തിന്റെ ഉറപ്പ് അമ്മയായിരുന്നു. മരണം വരേയും അദ്ദേഹം അമ്മയിലായിരുന്നു ജീവിച്ചിരുന്നത്. അവസാനം അമ്മ വന്ന് കൊണ്ട് പോയി എന്ന് തെളിയിക്കുന്ന ചില സംഭവങ്ങളോടെയാണ് മരിച്ചത്.എനിക്കും അമ്മയെ കാണാനുള്ള അവസരം കിട്ടിയിട്ടുണ്ട്. എന്റെ ജീവിതയാത്രയിൽ അമ്മ എന്റെ കൂടെ തന്നെ ഉണ്ടെന്ന് വിളിച്ച് പറയാൻ പറ്റിയ ഒരു പാട് അനുഭവങ്ങൾ എനിക്കുണ്ടായിട്ടുണ്ട്. ഇന്നും മംഗലാപുരത്ത് ശക്തിനഗറിൽ പോയി താമസിക്കുമ്പോൾ അവിടുത്തെ silence ൽ കിട്ടുന്ന ഒരാത്മസുഖം, അത് അനുഭവിച്ചറിയണ്ടത് തന്നെ ആണ്. 1978 ൽ മഹാസമാധിയായ അമ്മയുടെ ആ തപോവനത്തിന് ഇന്നും ആ ഗുണം ഉണ്ടെങ്കിൽ അമ്മയുടെ ചൈതന്യം അവിടെ ഇപ്പോഴും നിറഞ്ഞ് നിൽക്കുന്നു എന്ന് തന്നെയാണർത്ഥം. ഈ വീഡിയോയിൽ കേൾക്കുന്ന ഭജന അമ്മയുടെ വലിയ ഭക്തനായിരുന്ന രവി വള്ളത്തോൾ പാടിയതാണ്. അദ്ദേഹം ഭജന പാടുമ്പോൾ അമ്മ ഭാവസമാധിയിലായ ഒരു സംഭവം എന്റെ അമ്മ പറഞ്ഞ് ഞാൻ കേട്ടിട്ടുണ്ട്. അദ്ദേഹം ഭജന പാടുമ്പഴത്തെ ഒരു ഭക്തിഭാവം അത് അദ്ദേഹത്തിന്റെ ഭജനയിൽ ഉടനീളം നിലനിൽക്കുന്നത് ഇത് കേട്ടാലറിയാംഅത്രക്ക് ഭക്തിയായിരുന്നു അദ്ദേഹത്തിന് തന്റെ ഗുരുവായ അമ്മയോട്. Jai Matha! ചരണം ശരണം രമാംബികേ ചരണം ശരണം ത്രയംബകേ