መልክአ ውዳሴ ዘረቡዕ በግዕዝ ዜማ በመልአከ ሕይወት ፍሥሐ ድንበሩ скачать в хорошем качестве

መልክአ ውዳሴ ዘረቡዕ በግዕዝ ዜማ በመልአከ ሕይወት ፍሥሐ ድንበሩ

#amen_tube_አሜን_ቲዩብ#መልክአ_ውዳሴ_ዘረቡዕ#_በግዕዝ_ዜማ መልክአ ውዳሴ ዘረቡዕ በግዕዝ ዜማ ኲሉ ሠራዊተ ሰማያት በእንቲአኪ ይብሉ፤ ብፅዕት አንቲ ማርያም ለእግዚአብሔር አባሉ፤ ሶበ እፈልስ ገብርኪ መንገለ ታኅቱ ወላዕሉ፤ ፪ዱ መልአክ ዘዚአኪ ወቅድሜየ የሃሉ፤ ወካልዑ መልአክ በድኅሬየ ይትሉ፡፡ ተነበዩ ላዕሌኪ ዓቢያተ ወመንክራተ፤ ሀገረ እግዚአብሔር አንቲ ዘኢትፈቅዲ ማኅቶተ፤ ማርያም አብርሂ ነፍሰ ዚአየ ዕዉርተ፤ ከመ እርአይ መንገለ ጽድቅ እንተ፤ ትመርሕ ፍኖተ፤ እስመ ፍኖትኪ ታበውእ ገነት፡፡ አንቲ ዘበአማን ደመና ክርስቶስ አምላክ፤ ማርያም ድንግል ሠአሪተ መርገም ወሀውክ፤ ይዌድሱኪ ኪሩቤል እንዘ ይሰግዱ በብረክ፤ ገብርኤልኒ ዜናዊ ፍሡሓ ገጽ መልአክ፤ ይኤምኃኪ በጽባሕ ወሠርክ፡፡ ረከብኪ ጸጋ መንፈስ ቅዱስ ኃደረ ላዕሌኪ፤ ወኃይለ ልዑል ጸለለኪ፤ ኦ ማርያም አማን እንተ አምላክ ወለድኪ፤ ኲሎ መዓልተ ወሌሊተ ሶበ እጼውእ ስመኪ፤ ሕይወትየ ወሞትየ ማርያም ባርኪ፡፡ ግብረኪ ድንግል ይሴብሑ በዜማ፤ መሬታዊያን በምድር ወሰማያውያን በራማ፤ ማርያም ድንግል ክልልተ ሞገስ ወግርማ፤ ደቂቀ ቤትኪ ኢይሁክ መስቴማ፤ በዲበ ትእዛዝ ዘይፈጥር ፃማ፡፡ የዓቢ ክብርኪ እምክብረ መላእክት ዘአርያም፤ ወእምክብረ ጻድቃን ዘገዳም፤ ማርያም ድንግል ማርያም እም፤ ብኪ ድኅነ ዓለም ወበወልድኪ ኮነ ሰላም፡፡ ሕዝቅኤል ነቢይ በእንቲአኪ እንዘ ይብል ጸርሐ፤ ርኢኩ ኆኅተ ዘኅቱም መናሥግቲሃ፤ ማርያም ድንግል እንተ ትሠረገዊ ንጽሐ፤ በዝክረ ስምኪ እትፌሣሕ ፍሥሐ፤ ከመ ዘረከበ ምሕርካ ብዙኃ፡፡ ኆኅትሰ ድንግል አንቲ፤ እንተ ወለድኪ አምላከ በድንግልና ፪ቲ፤ ማርያም ድንግል ማርያም ሣህለ መዋቲ፤ አድኅንኒ እግዝእትየ እምዋዕየ ልሳን መስሐቲ፤ እስመ እሳቱ ለዓለም ይእቲ፡፡