မုန့်ကြိုးလိမ်လုပ်နည်းလေးပါ။ Myanmar twisted fried dough скачать в хорошем качестве

မုန့်ကြိုးလိမ်လုပ်နည်းလေးပါ။ Myanmar twisted fried dough

လူတိုင်းအိမ်မှာ အလွယ်တကူလုပ်စားလို့ရတဲ့ မြန်မာ့ရိုးရာ မုန့်တွေထဲက တခုဖြစ်တဲ့ မုန့်ကြိုးလိမ် လုပ်နည်းလေးပါ။ တခြား အာရှနိုင်ငံတွေမှာ လည်း မုန့်ကြိုးလိမ်လိုမျိုး မုန့်မျိုးတွေ အများကြီးရှိပေမယ့် ပါဝင်ပစ္စည်းတွေ တခုနဲ့ တခု မတူညီကြပါဘူး။ မုန့်ကြိုးလိမ် လုပ်တဲ့အခါ အဓိက ဖြစ်တဲ့ မုန့်ပေါ်မှာ သကြားပွင့်လေးတွေဖြစ်လာအောင် သကြားကျိုနည်းကိုလည်း ဗီဒီယိုထဲမှာ ရှင်းပြပေးထားပါတယ်ခင်ဗျာ။ ဗီဒီယိုကို ကြည့်ရှုရန်အတွက် မန့်ကိုနှိပ်ကြည့်လို့ရပါတယ်ခင်ဗျာ။ မုန့်လုပ်တဲ့အခါမှာ မိမိစိတ်ကြိုက် ချိန်ခွက်ကို သုံးနိုင်ပါတယ်ခင်ဗျာ။ ဇလုံတခုထဲမှာ ကောက်ညှင်းမှုန့် ၂ ခွက် (နို့ဆီဗူး၂ ဗူးစာ) နဲ့ ဆန်မှုန့် ခွက်တဝက် (နို့ဆီဗူး တဝက်) ထည့်ပါ။ ဆန်မှုန့်အရမ်းများရင် မုန့်က မာသွားနိုင်ပါတယ်။ ပြီးရင် မုန့်ဖုတ်ပေါင်ဒါ လက်ဖက်ရည်ဇွန်း ၁ ဇွန်းလောက်ထည့်ပေးပါ။ သကြားအနည်းငယ်ထည့်ပြီး နှံ့စပ်အောင်မွှေပေးထားပါ။ အမှုန့် စုစုပေါင်း ၂ ခွက်ခွဲဆိုရင် ရေနွေး ကို ၁ ခွက်ခွဲ (နို့ဆီဗူး ၁ ခွက်ခွဲ)ထည့်ပါမယ်။ ရေထည့်တဲ့အခါ အကုန်မထည့်ဘဲနဲ့ ဖြည်းဖြည်းချင်းထည့်ပေးပါ။ (ရေနွေးက ရေပွက်ပွက်ဆူတဲ့ရေ၁ခွက်ထဲကို ရေအေး တဝက်ထည့်ပေးပါ။) ရေနွေးထည့်ပြီး နယ်ပေးရတဲ့ အကြောင်းရင်းက မုန့်ကြိုးလိမ်ဖြစ်တဲ့အတွက် မုန့်ကို ပြန်ပြီးလိမ်တဲ့အခါ မုန့်သားက အစေးမပေါက်ရင် လိမ်ရခက်တဲ့အတွက်ကြောင့် ‌မုန့်သားပျော့ အိစေဖို့ ရေနွေးထည့်ပေးရခြင်းဖြစ်ပါတယ်။ မုန့်သားက မပူတော့ဘဲ နွေးပြီဆိုရင် အားရပါးရနယ်ပေးပါ။ ပြီးမှ အဖုံးပိတ်ပြီး အခန်းအပူချိန်မှာ ၁ နာရီလောက်နှပ်ထားပေးပါ။ မုန့်ကြိုးလိမ်က ကြွပ်မှပိုစားကောင်းတာကြောင့် မုန့်သားကို လက်ညှိုး ၁ ချောင်းစာလောက်ပဲ လှိမ့်ပေးပါ။ ပြီးမှ ခွေလိုက်ပါ။ မုန့်သားထဲမှာ မုန့်ပွဆေး(baking powder) ထည့်ထားတာကြောင့် ကြော်တဲ့အခါ ‌မီးအေးအေးနဲ့ပဲ ကြော်ပေးပါ။ ‌မုန့်တွေကိုလည်း ထည့်တဲ့အခါ တခုနဲ့တခု မကပ်အောင် ခြားထားပေးပါ။ စစခြင်း မုန့်ထည့်ပြီးရင် ချက်ချင်း မလှန်သေးဘဲ ဒယ်အိုးကို လှုပ်ပေးပါ။ တဖြည်းဖြည်းမုန့်သားက ပွလာပြီဆိုမှ ဖည်းဖြည်းချင်း နောက်တဖက်လှန်ပေးပါ။ ရွှေရောင်သန်းလာရင် ဆယ်လိုက်လို့ရပါပြီ။ သကြားပွင့်လုပ်ဖို့အတွက် သကြားကြိုတဲ့အခါ ရေနဲ့ သကြားကို ဆတူထည့်ရမှာဖြစ်ပါတယ်။ သကြား ၁ ခွက်ဆို ရေ ၁ခွက်ထည့်ပေးပါ။ သကြားကို ညောင်စေးကျတဲ့အထိကျိုပေးရပါတယ်။ ပထမဆုံးသကြားအနည်းငယ်ပျစ်လာရင် ပူစီပေါင်းတွေက အကြီးကြီးတွေဖြစ်လာပါလိမ့်မယ်။ ထပ်ပြီး မီးအေးအေးနဲ့ဆက်ကြိုရင် ပူစီပေါင်းတွေကတဖြည်းဖြည်း စိတ်စိတ်လေးဖြစ်လာပါလိမ့်မယ်။ ဒါဆိုရင် မီးပိတ်ပြီး ကြော်ထားတဲ့မုန့်ကြိုးလိမ်တွေကို ထည့်ပေးပါ။ ထည့်ပေးပြီး အဆက်မပြတ်မွှေပေးပါ။ သကြားရည်က အေးလာတဲ့အခါ တဖြည်းဖြည်းနဲ့ ကပ်ကပ်လေးနဲ့ သကြားပွင့်တွေ စမြင်ရမှာဖြစ်ပါတယ်၊ သကြားကြိုထားတဲ့ဒယ်အိုးကဆေးရခက်မယ်ဆိုပြီး ကြောက်စရာတော့ မလိုပါဘူး။ ဒယ်အိုးထဲ ရေထည့်ပြီး အပူပေးလိုက်ရင် သကြားတွေအားလုံး ပြန်ပြီး အရည်ပျော်သွားမှာဖြစ်ပါတယ်၊ ဒါဆိုရင် အိမ်မှာ အလွယ်တကူကြော်စားလို့ရတဲ့ မုန့်ကြိုးလိမ်လေးကို ရပြီဖြစ်ပါတယ်။