#મુન્દ્રામાં скачать в хорошем качестве

#મુન્દ્રામાં

#મુન્દ્રામાં જ્વેલર્સમાં લૂંટના પ્રયાસની ઘટનામાં FSL ટીમએ તપાસ આરંભી... #પશ્ચિમ કચ્છ એસ.પી. વિકાસ સુંડાએ મુન્દ્રા ખાતે ધસી જઈ ઘટનાની બારીકાઈથી તપાસ કરવા સૂચનાઓ આપી... #કચ્છના મુન્દ્રામાં ગઈકાલે ભર બપોરે ધમધમતા બારોઈ રોડ પર આવેલ રુદ્રાક્ષ જ્વેલર્સમાં લૂંટના પ્રયાસની ગંભીર ઘટના સામે આવી હતી. ચાર બુકાનીધારી શખ્સો બંદૂકના નાડચે દુકાનમાં ખરીદીના બહાને જઈ લૂંટ કરવાનો પ્રયાસ કરતા વેપારીઓમાં ભયનો માહોલ સર્જાયો હતો અને એક લુટારુ પકડાઈ જતા લુટારાઓ દ્વારા ભાગતા ભાગતા ત્રણ રાઉન્ડ ફાયરિંગ પણ કરવામાં આવ્યું હતું, જોકે જ્વેલર્સના માલિક અને તેમના પુત્રએ હિંમત દાખવી એક લુટારુને પકડી પાડતા લૂંટ થતા થતા અટકી હતી. ઘટનાની જાણ થતાં જ મુન્દ્રા પોલીસ તાત્કાલિક ઘટના સ્થળે પહોંચી આરોપીની અટકાયત કરી હતી અને સમગ્ર મામલે તપાસનો ધમધમાટ શરૂ કર્યો હતો. પ્રાથમિક તપાસ બાદ આજે પશ્ચિમ કચ્છ પોલીસ અધિક્ષક વિકાસ સુંડા અને dysp શ્રી ગૌતમ વિવેકાનંદનની સૂચના પ્રમાણે ઘટના સ્થળે FSL (ફોરેન્સિક સાયન્સ લેબોરેટરી) ભાવેશભાઈ સહિત ટીમ દ્વારા વિવિધ પાસાઓની વિગતવાર બારીકાઈથી તપાસ હાથ ધરવામાં આવી છે. FSL ટીમ દ્વારા હથિયાર, કારતૂસ, ફિંગરપ્રિન્ટ, સીસીટીવી ફૂટેજ સહિતના મહત્વપૂર્ણ પુરાવાઓનું વિશ્લેષણ કરવામાં આવી રહ્યું છે. પશ્ચિમ કચ્છ પોલીસ અધિક્ષક શ્રી વિકાસ સુંડા પણ મુન્દ્રા પહોંચ્યા હતા અને જરૂરી માર્ગદર્શન આપ્યું હતું. મુન્દ્રા પોલીસ ઇન્સ્પેક્ટર શ્રી એમ.એમ. રાણાએ આરોપીઓને ઝડપથી પકડી પાડવા વધુ તપાસ હાથ ધરી છે. આ ઘટનાએ શહેરમાં સુરક્ષા વ્યવસ્થાને લઈને ચિંતા ફેલાવી દીધી છે. #અહેવાલ, પ્રતિનિધિ સમીર ગોર મુન્દ્રા દ્વારા...