Mavunde azindua kiwanda cha kutengeneza vipuri na taili za magari скачать в хорошем качестве

Mavunde azindua kiwanda cha kutengeneza vipuri na taili za magari

Tatizo la kukosekana kwa vipuri vya mitambo ya migodini na viwandani imepata suluhu baada ya Waziri wa Madini, Anthony Mavunde kuzindua kiwanda cha utengenezaji vipuri hivyo. Kwa sasa wachimbaji, wamiliki wa migodi na viwanda huagiza vipuri kutoka nje ya nchi hali ambayo inawafanya kutumia gharama kubwa ya ununuzi na usafiri lakini pia shughuli kukwama kwa muda mrefu pindi moja ya kifaa kikikosekana. Zoezi hilo pia likikuwa limeambatana na uzinduzi wa kiwanda kingine cha utengenezaji na uundaji taili za magari ambavyo vyote kwa pamoja vipo katika eneo moja na kumilikiwa na James Makanyaga. Akizungumza wakati wa uzinduzi wa viwanda hivyo vilivyopo eneo la Nyamhongolo Manispaa ya Ilemela mkoani humo, Mavunde amewataka wadau wa madini na viwanda kuvitumia viwanda hivyo katika kuagiza na kununua vipuri vya mitambo yao ili kupunguza gharama kubwa ya kuagiza vitu kutoka nje ya nchi.