Автокөліктерді сатып алу-сату кезінде оның заң алдындағы тазалығы жіті тексеріледі скачать в хорошем качестве

Автокөліктерді сатып алу-сату кезінде оның заң алдындағы тазалығы жіті тексеріледі

Елімізде автокөліктерді сатып алу-сату шарттары өзгертіліп жатыр. Яғни, енді қазақстандықтар мәміле жасау кезінде қолма-қол ақшаның орнына цифрлық теңгені қолданады. Әрі, темір тұлпар толық тексерілмейінше сатып алушының атына рәсімделмейді. Өйткені, тұрғын алдымен көлікке қатысты ешқандай шектеу жоғына көз жеткізуге тиіс. Тек содан соң ғана мүлік тіркеледі. Осылайша, шенеуніктер алаяқтық деректерінің алдын алуды көздеп отыр. Қазір көлік сатып алудың өзі проблема. Өйткені, жылдап қаржы жинап, қарызданып, әрең деп қол жеткізген тұлпардың VIN-коды қолдан соғылған боп шығып жатқандар аз емес. Не өзге мемлекетте іздеу жарияланып, шектеу қойылған. Демек, бір-ақ сәтте көп күткен көліктен де, ақшадан да айырылу қаупі жоғары. Сондықтан, мүдделі министрліктер кеңес құрып, машинаны сатып алу кезіндегі қауіпсіздік шараларын күшейтуді көздеп отыр. Яғни, жаңа тетікке сәйкес, автокөліктің заң алдындағы тазалығы жіті тексеріледі. Ал, темір тұлпардың тазалығын тексеруге ақпараттық жүйелер қолданылмақ. Қазір ТМД елдері мен Интерполдың деректер базасы интеграцияланған. Сәйкесінше, көлікті нақты уақыт режимінде тексеруге мүмкіндік бар. Егер қандай да бір шектеу бары анықталса, машина тіркелмейді. Әрі қолма-қол ақшаның орнына цифрлық теңгені енгізу жоспарланып отыр. АСАН АХМЕТЖАН, ҚҰБ баспасөз хатшысы: Сатып алушы цифрлық теңгемен төлемді сатушының реквизиттеріне арнап бағдарламалап, оған жібере алады. Бұл ретте сатушы бұл қаражатты автокөлікті мемлекеттік дерекқорларда сатып алушының атына қайта тіркегеннен кейін ғана пайдалана алады. Тағы бір артықшылығы – түрлі банктердің клиенттері арасындағы мәмілелердің қолжетімді болуы. Әзірге, жоба нақты қай уақытта іске қосылатыны беймәлім. Алдымен нормативтік, техникалық жұмыстардың нәтижесі шығарылуы қажет. Бірақ қолға алынса жалған мәмілелер мен сатып алушыларды алдау деректері айтарлықтай азаяды дейді министрлік өкілдері. #Информбюро #31арна #БастыЖаңалықтар #Новости #31канал