Жаңаөзен қаласында 29 жастағы дәрігер пышақ жарақатынан аурухана дәлізінде ажал құшты скачать в хорошем качестве

Жаңаөзен қаласында 29 жастағы дәрігер пышақ жарақатынан аурухана дәлізінде ажал құшты

Маңғыстау облысы Жаңаөзен қаласында 29 жастағы дәрігер пышақ жарақатынан аурухана дәлізінде ажал құшты. Терапевт Нұрдәулет Аманғалиевке ер адам суық қарумен емдеу мекемесінің ішінде тап берген. Марқұмның туыстары күдіктінің қылмысқа баруына қызғаныш себеп деп отыр. Яғни, қамауға алынған азаматтың жұбайы медбике болып жұмыс істеген екен. Ақ халаттылар қанды оқиғадан кейін медициналық мекемеде күзет күшейтілгенін жеткізді.Мән-жайды Жаңаөзенге арнайы барып келген әріптестім Махаббат Нұржанқызы айтып берсін. МАХАББАТ НҰРЖАНҚЫЗЫ, тілші: Қанды қылмыс ауруханадағы дәл осы баспалдақта болған. Емдеу мекемесіне баса көктеп кірген азамат 29 жастағы дәрігерге тап беріп, пышақтап тастаған дейді әріптестері. Ақ халаттылар араша түсемін дегенше, күдікті Нұрдәулет Аманғалиевке ауыр жарақат салып үлгерген екен. Қара жамылған отбасына көңіл айтып келіп жатқан жұрттың қарасы қалың. Туыстары оқиғаға кәсіби қызметі себеп болған жоқ деп отыр. Күдіктінің әйелі осы ауруханада медбике болып жұмыс істейді. Ол қылмысқа қызғаныштан барды дейді. Қайғыдан қан жұтқан әулет дәрігердің 21 жерден пышақталғанын айтады. НҰРДӘУЛЕТ АМАНҒАЛИЕВТІҢ АНАСЫ: 21 жерден пышақтаған оны, жау адам сөйтіп жасай ма адам дұшпанына да өйтіп жасамайтын шығар құрсын-ау. Адам итке де өйтіп жасамайтын шығар. Өзі құттай бала ғой ол. Сонша адам бар қалай отырған орнына барып, жұмыс орнына барып пышақтап бір адам көрмеген ба сонда 21 жеріне дейін тыққанша. Бәрі қарап тұра берген бе екен? Қапыда ұлынан айырылып қалған Нұрдәулеттің анасы кешірім бермейміз деп отыр. Ал денсаулық сақтау басқармасының басшысы марқұмның шабуыл кезінде көп жарақат алғанын айтады. Оны Ақтаудан арнайы ұшып келген әріптестері де аман алып қала алмапты. БЕКБОЛАТ ІЗБАСАРОВ, Маңғыстау облыстық денсаулық сақтау басқармасының басшысы: Мойын аумағының, кеуде қуысының, қолдарының терең кесілген жарақаты. Ірі-ірі тамырлар зақымдалған болатын және де көп мөлшерде қан жоғалтқан болатын. Шұғыл түрде операцияға алынған болатын. Емдеу шараларына қарамай, әріптесіміз қайтыс болды. Өмірін медицинаға арнаған дәрігердің артында боздап ұлы мен қызы қалды. Ол Марат Оспанов атындағы университетте 9 жыл білім алып, бір жыл бұрын Жаңаөзен қаласына қызметке келген. Әріптестері марқұм жұмысына адал, өте мықты маман болғанын айтады. МАРАТ ЕДЕЛХАНОВ, Жаңаөзен қалалық көпбейінді ауруханасы басшысының міндетін атқарушы: Жұмысына өте жауапты, өте ұқыпты, тіл алғыш. Жас мамандардың арасында өзін ерекше көрсетіп, алғырлығын, білгірлігін көрсетіп, аға мен сіздей болғым келеді деп жүрген жас мамандардың бірі әрі бірегейі еді. Үміт күттірер жас дәрігерлердің бірі еді. Полиция қайғылы оқиғаға қатысты "адам өлтіру" бабы бойынша қылмыстық іс қозғады. Құзырлы органның мәліметінше, күдікті полицияға өз аяғымен барып берілген. Қазір ол уақытша ұстау изоляторына қамалды. Тергеу амалдары жүріп жатыр. #Информбюро #31арна #БастыЖаңалықтар #Новости #31канал