8-mart — Xalqaro xotin-qizlar kuni Zomin tumanida keng nishonlandi скачать в хорошем качестве

8-mart — Xalqaro xotin-qizlar kuni Zomin tumanida keng nishonlandi

#Zomin_tumani 8-mart — Xalqaro xotin-qizlar kuni Zomin tumanida keng nishonlandi Bugun tumanimizdagi muhtasham “Osiyo” tantanalar majmuasida 8-mart — Xalqaro xotin-qizlar kuni munosabati bilan bayram tadbiri yuqori saviyada tashkil etildi. Tadbirda tumanning ijtimoiy-siyosiy hamda ijtimoiy-iqtisodiy hayotining turli sohalarida faoliyat yuritayotgan, jumladan, ishlab chiqarish, tadbirkorlik, fermerlik, sog‘liqni saqlash, ta’lim, ma’rifat, madaniyat va boshqa yo‘nalishlarda fidokorona mehnat qilayotgan xotin-qizlar, shuningdek, mehnat faxriylari ishtirok etdilar. Bayram tadbiri avvalida Zomin tumani hokimining birinchi o‘rinbosari Zarifjon Omonqulov yig‘ilganlarni samimiy qutlab, xotin-qizlarning jamiyat hayotidagi beqiyos o‘rni va ulkan hissasini alohida ta’kidladi. U o‘z so‘zida ayollar bugungi kunda jamiyatning barcha jabhalarida faol ishtirok etib, mamlakatimiz taraqqiyotiga munosib hissa qo‘shayotganini, ular nafaqat oila mustahkamligining tayanchi, balki jamiyat ravnaqining muhim omillaridan biri ekanini qayd etdi. Shuningdek, turli sohalarda samarali faoliyat yuritib, o‘zining fidokorona mehnati bilan e’tirof etilgan bir guruh xotin-qizlarga tashakkurnomalar hamda esdalik sovg‘alari topshirildi. Tadbir davomida so‘zga chiqqan mehnat faxriylari ham xotin-qizlarga bo‘lgan yuksak hurmat va ehtirom haqida o‘z fikrlarini bildirib, ayollarning oila va jamiyatdagi o‘rni beqiyos ekanini alohida ta’kidladilar. Ular o‘z hayotiy tajribalari asosida yoshlarga ibrat bo‘ladigan samimiy tilak va tavsiyalarini ham bildirdilar. Bayram dasturi doirasida mehmonlar uchun badiiy-madaniy chiqishlar namoyish etildi. Taniqli san’atkorlar hamda tuman madaniyat bo‘limi ijodkorlari tomonidan kuy-qo‘shiqlar ijro etilib, xotin-qizlar sha’niga samimiy tilaklar bildirildi. Ko‘tarinki kayfiyatda o‘tgan tadbir barchada unutilmas taassurotlar qoldirdi. Ushbu bayram yana bir bor xotin-qizlarning jamiyatimizdagi o‘rni va xizmatlarini yuksak qadrlash, ularning fidokorona mehnatini e’tirof etish naqadar muhim ekanini namoyon etdi. Ijtimoiy tarmoqlarni kuzatib boring: 🕊Telegram (https://t.me/Zomin_tuman_hokimligi)  📱Instagram (  / zomin.tuman.hokimligi  ) 📱Facebook (  / zomintumani.hokimligi.5  ) 📺YouTube (   / @zomin  ) 🌐Sayt (https://gov.uz/oz/zomin)