ТАРОВАТЛИ ТОКЗОР КЎЧА скачать в хорошем качестве

ТАРОВАТЛИ ТОКЗОР КЎЧА

Бежизга Ўлкамизнинг тупроғини олтинга тенг дейишмайди. Еримизга кўкламда чўп суқсангиз, кўкариб чиқиб, дарахтга айланади. Озгина ҳиммат қилиб, парвариш қилсангиз, эрта кунда мевага кириб, сизни боқади. Андижоннинг Булоқбоши туманида севимли адибимиз Мирзакалон Исмоилий номига қўйилган кўча бор. Кўкламдан кеч кузгача кўчанинг адоғигача ток барглари соясида кетасиз. Бошингиз узра биллурдек узум бошлари товланади. Ўзига хос кўча. Чунки, бу кўчада яшайдиганлар ўзига хос. Баҳамжиҳатлик, аҳил. Ушбу саъй-ҳаракатнинг ташаббускорларидан бири Мушаррифжон Ҳусанов билан дилтортар суҳбатлашдик. Қиш ойларидаки, кўчалари шунчалар гўзал, баҳор, ёз ойларида бу кўчадан кетгинг келмаса керак. Бу хайрли ташуббусни Ўзбекистонга ёйса арзийди! Ҳар бир кўчада яратса бўлади. Муҳими, қунт, иштиёқ ва ғайрат керак. Аҳиллик, албатта биринчи галда!.. Озодбек ШАРОБИДДИНОВ, «Муштум»нинг махсус мухбири Каналга обуна бўлинг👇👇👇 https://t.me/mushtumjurnali