မင်းအောင်လှိုင်ရဲ့ အာဏာရမ္မက်ကြောင့် စစ်တပ်နဲ့ USDP စိတ်ဝမ်းကွဲမလား (ရုပ်/သံ) скачать в хорошем качестве

မင်းအောင်လှိုင်ရဲ့ အာဏာရမ္မက်ကြောင့် စစ်တပ်နဲ့ USDP စိတ်ဝမ်းကွဲမလား (ရုပ်/သံ)

မင်းအောင်လှိုင်အတွက် USDP ဟာ လက်ခုပ်ထဲက ရေပမာ ဖြစ်နေပါပြီ။ ဒါပေမဲ့ ရွေးကောက်ပွဲအပြီး စစ်ခေါင်းဆောင်ဘက်က သမ္မတ‌ရာထူးကို လောဘတက်ရင်း တပ်ချုပ်ရာထူးကိုပါ မစွန့်လွှတ်တဲ့အခါ အခြေခံဥပဒေ အတားအဆီးကိုပါ ကျော်ဖြတ်ဖို့ လွှတ်တော်ထဲက USDP ကို အမိန့်ပေးလာခဲ့ရင် USDP က သူ့ရဲ့ စစ်တက္ကသိုလ် (DSA) စီနီယာဟောင်းများက ပါတီကို မင်းအောင်လှိုင် တလက်ကိုင် စစ်တပ်လက်ပါးစေအဖြစ် အရောက်ခံမှာလား ဆိုတာက‌လည်း တွေးစရာပါ။ သူ့အရင် အာဏာသိမ်းခေါင်းဆောင်တွေနဲ့ မင်းအောင်လှိုင်ကြားက မတူညီတဲ့ ပေးထားချက်က ဗိုလ်နေဝင်း၊ ဗိုလ်သန်းရွှေတို့လို လက်ကိုင်ပါတီသစ် ဖွဲ့စည်းခွင့်မရနေတာ ဖြစ်ပါတယ်။ ဒါကြောင့်ပဲ USDP ကို တပ်ရဲ့ နိုင်ငံရေးပါတီအနေနဲ့ ဆက်ထားနေရပေမဲ့ တဘက်မှာ ချိန်ခွင်လျှာညှိလာတာတွေလည်း လုပ်လာပါတယ်။ ဒီရွေးကောက်ပွဲ မတိုင်ခင်ကာလမှာ စစ်တပ်အရာရှိဟောင်းများကို ယူနီဖောင်းလဲပြီး ပါတီဘက်ကူးစေရာမှာ တချိန်က မဆလအသွင်ပြောင်း တစညပါတီဘက်ကိုလည်း အငယ်တန်းနဲ့ အလတ်တန်းအရာရှိများ ထည့်သွင်းပေးခဲ့ပါတယ်။ ဒါကိုကြည့်ပြီး ဘာသုံးသပ်လို့ ရနိုင်မလဲဆိုရင် တပ်ရဲ့ အရိပ်အငွေ့မကင်းတဲ့ပါတီတိုင်းမှာ သူ့ရဲ့ဩဇာခံတွေနဲ့ အာဏာခံတွေနဲ့ အာဏာတည်ဆောက်ဖို့ ပြင်လာတယ်လို့ မြင်နိုင်သလို တပ်နဲ့ USDP ကြား တသားတည်းလို ဖြစ်နေတာကို သူ့ဘက်ကလည်း တဖြည်းဖြည်းနဲ့ လျှော့ချပြီး အနာဂတ်ကာလမှာ ကြားခံပါတီတွေနဲ့လည်း တပ်နဲ့ ချိတ်ဆက်လာနိုင်ပါတယ်။ ဘယ်လိုပဲဆိုဆို ၂၀၂၅-၂၀၂၆ ရွေးကောက်ပွဲ ပြင်ဆင်မှုကာလမှာ တပ်နဲ့ USDP ကြား အဟတွေကို သိသိသာသာ မြင်ရပါတယ်။ စစ်ခေါင်းဆောင်က အာဏာရမ္မက် တက်လွန်းရင် USDP နဲ့ ပွတ်တိုက်မှုတွေ ဖြစ်နိုင်လာသလို USDP ဘက်ကလည်း စစ်ခေါင်းဆောင်ပေးထားတဲ့ အကန့်အသတ် အာဏာကို ကျော်လွန်လာမယ်ဆိုရင် မင်းအောင်လှိုင်ဘက်က အမှားမခံတဲ့ အနေထားမျိုးမို့ ၂၀၂၆ အလွန်မှာ ကတ္တီပါလမ်းခွဲတွေ ဖြစ်လာနိုင်မလားဆိုတာ စောင့်ကြည့်ချင်စရာ ကောင်းပါတယ်။ #မြန်မာ #ဧရာဝတီ #ကြံ့ခိုင်ရေး #USDP #မင်းအောင်လှိုင် #Election #WhathappensInMyanmar စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/supporttheirrawaddy