Талдықорғанда 4 миллиардқа жуық ақшаға салынған мемлекеттік үйлердің төбесінен су сорғалап жатыр скачать в хорошем качестве

Талдықорғанда 4 миллиардқа жуық ақшаға салынған мемлекеттік үйлердің төбесінен су сорғалап жатыр

Талдықорғанда мемлекеттік «Шаңырақ» бағдарламасымен берілген үйлердің төбесінен су сорғалап жатыр. Қақаған аязда тұрғындар азынаған үйдің тесілген жерлерін бітеумен әлекпіз дейді. Баспананың машақатын көріп келеміз деген халық ай сайын 100 мың теңге ипотека төлеп отырғандарын айтады. Ал әкімдік болса мемлекеттің 3 миллиард 700 миллион теңгесіне салынған 204 коттедждің сапасыз салынғанын мойындап отыр. Бұл, Талдықорғандағы коттедж қалашындағы үйлер. Екі жыл бұрын қоныстанған тұрғындар баспанаға жасаған жөндеуіміздің барлығы бүлініп жатыр дейді. Түскағаздың өзін ұстасаңыз, қабырғадан су сорғалай жөнеледі деп отыр. ҚАЛИПА ЕГЕУБАЕВА, Коттедж қалашығының тұрғыны: – Аузымыздан жырып тұрып осыған төлеп отырмыз. Әйтеуір елге күлкі, дұшпанға таба болмайық деп. Ұят елге айтқанға. Енді ел көрмесін деп едік, енді көрсін қандай хәлде тұрып жатқанымызды. ЛАЙРА СӘКЕНҚЫЗЫ, Коттедж қалашығының тұрғыны: – Кешке қатады да, күндіз қар ерігенде су сорғалайды. Кәдімгідей тазикпен қойып, төгіп отырамыз. САМАЛ ҚАБЫШЕВА, Тілші: – Тұрғындар тіпті мына газ құбырларының өзі сәндік үшін тұрғанын айтады. Себебі, бұл үйлер әлі көгілдір отынға қосылмапты. Тұрғындар бұл үйлерді кардон қағазы сияқты дейді. Төбесін қанша қалыңдатып жапсақ та, жағдай реттілмей отыр деп ашулы. Күн сәл суытса үйде отыру мүмкін болмай қалады дейді. Ал әкімдіктегілер коттедж қалашығындағы 3,7 миллиард теңгеге салынған 204 зәулім үй талапқа сай емес деп отыр. МӘДИ ШАКЕНОВ, Талдықорған қаласы әкімдігі баспасөз қызметінің өкілі: – Коттедж шағын қалашығындағы 204 үй салынған, бірақ сапасы төмен. Осы бойынша қазіргі дефектілерін олар не ауыстырады немесе қазіргі құқық қорғау органдарымен облыстық, қалалық прокуратураның басты назарында. Қылмыстық іс қозғалған. Осылайша Талдықорғанда коттедж қалашығының тұрғындары сапасыз үйдің зардабын көрумен келеді. Енді тұрғындар үйдегі ақаудың тез арада жөнделуін талап етуде. Егер талабымызға әкімдіктегілер құлақ аспаса жолды жаппақ. Ал бұл үйлерді тұрғындар шамамен 15 миллион теңгеге 10 жылға "Шаңырақ" бағдарламасы арқылы алған. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал