Tv Klan - Trump: Nuk kemi nevojë për ndihmën e askujt скачать в хорошем качестве

Tv Klan - Trump: Nuk kemi nevojë për ndihmën e askujt

Donald Trump kritikoi ashpër vendet e NATO-s pas refuzimit për të ndihmuar Shtetet e Bashkuara në luftën kundër Iranit. Aleatët e SHBA-së në Evropë dhe më gjerë përjashtuan dërgimin e anijeve luftarake në Ngushticën e Hormuzit. “Nuk jam i befasuar nga veprimi i tyre, sepse gjithmonë e kam konsideruar NATO-n, ku ne shpenzojmë qindra miliarda dollarë në vit duke mbrojtur këto vende, si rrugë me një drejtim. Ne i mbrojmë ata, por ata nuk do bëjnë asgjë për ne, në veçanti në një kohë nevoje”. Trump thotë se Shtetet e Bashkuara nuk kanë nevojë për ndihmën e askujt, duke përmendur Australinë, Japoninë dhe Korenë e Jugut, teksa lavdëroi suksesin e forcave amerikane në degradimin e aftësive ushtarake të Iranit. “Duke arritur rezultate të tilla ushtarake, ne nuk kemi më nevojë ose nuk duam ndihmën e vendeve të NATO-s. Nuk kemi pasur kurrë nevojë për të. Po ju flas si president i Shteteve të Bashkuara të Amerikës, vendi më i fuqishëm në botë. Nuk kemi nevojë për ndihmën e askujt!” Ushtria izraelite njoftoi këtë të martë se vrau komandantin e forcave paraushtarake Basij, Gholamreza Soleimani. Bashkë me të, edhe zyrtarë të tjerë u goditën ndërsa ndodheshin në një kamp me tenda që u ngrit së fundmi nga Basij pas bombardimit të selive të forcës paraushtarake. Izraeli ka konfirmuar edhe shënjestrimin e një nga zyrtarët më të lartë iranian, Ali Larijani, megjithëse është ende e paqartë nëse sekretari i Këshillit të Sigurisë është vrarë apo i ka shpëtuar sulmit. Gjatë natës, Irani vijoi sulmet ndaj vendeve të tjera të rajonit, përfshirë sulmin më të madh që nga nisja e konfliktit ndaj ambasadës amerikane në Bagdad. Izraeli ka zgjeruar ndërkohë edhe fushatën ushtarake nga ajri dhe nga toka në Libanin Jugor. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/