Майқайыңда мәйіттерді мумиялаған әйел әлі күнге дейін қамалмады скачать в хорошем качестве

Майқайыңда мәйіттерді мумиялаған әйел әлі күнге дейін қамалмады

Жылдар бойы бір шаңырақ астында мәйіттердің сақталғаны - естіген жанның еңсесін езді. Ең сорақысы, бұл бөтен біреудің емес, жарты ғұмырын бірге өткізген жары мен құрсағынан шыққан қызының денелері. Бұл адам санасы қабылдауға қиналатын, жан шошырлық жайт болмағанда, басқа не? Бұл сұмдықты естіген марқұмдардың туыстары күні кеше Германиядан Қазақстанға келіп, көз жұмса да денелері жәй таппаған 39 жастағы қызы мен 57 жастағы әкесінің мәйіттерін жер қойнына тапсырды. Ал, өмірден өткен анасы мен атасының жанында ойнап өскен 6 жасар қыз балалар үйіне жатқызылатын болды. Осы аптада бұрын-соңды көз көріп, құлақ естімеген оқиғаларға куә болдық. Әсіресе Павлодардың Майқайың ауылында болған жағдай жұрттың жағасын ұстатты. Мәйіттерді үйінде сақтаған әйел мен оның үлкен қызы әлі де қамалмады. Күдікті ретінде де танылған жоқ. Өйткені олар қазір психикалық тексеруден өтіп жатыр. Яғни, қандай жаза арқалайтыны да әзірге беймәлім. Сараптама қорытындысынан кейін ғана белгілі болмақ. Желіде тараған мәліметтерге сүйенсек, әйел марқұмдардың денесін бұзылмай сақтап қалу үшін түрлі майлар мен бал жағып, арнайы тәсіл қолданған. Кейбір қазақстандықтар медицинадан хабары жоқ адамның сүйекті мумиялауы мүмкін емес деп топшылайды. Көптің көкейінде жүрген сұраққа жауап алу үшін, кезінде Салтанат Нүкенова мен Шерзат Полат ісінде сараптама жасап, елге танылған сот-медицина сарапшысы Тахир Халимназаровқа жүгіндім. Жауапты маманның өзінен білейікші. ТАХИР ХАЛИМНАЗАРОВ, сот-медицина сарапшысы: Медицинадан хабарың болса да жасай алмайсың. Көрінген сарапшы да жасай алмайды. Мумиялану және мумияландыру деген басқа нәрсе. Бұл жерде мәйіттер мумияланып кеткен жерленбегеннен кейін. Арнайы бір условия керек. Жылы, құрғақ, желдететін бөлмелерде 2-3 айдың ішінде мәйіт мумияға айланып кетеді. Май жаққанға, бал жаққанға адамның денесінен су кетпейді ғой. Бірінші талабы су кету керек. Адамның денесінде су қалмау керек. Ол ойлаған шығар, май, бал жақсам иіс шықпайтын шығар деп. Бірақ, мумияландыруға бұл көмектеспейді. Сау адамды ауру деп психиатриалық емханаға күштеп жатқызған оқиғаларды естігенбіз. Бірақ, сүйіп қосылған өмірлік жарын, бір емес, бірнеше ізбасар, ұрпақ алып келген балаларының анасын мәжбүрлеп жындыханаға жіберу мүлде миға қонбайды. ДИЯРА ИБРАГИМОВА, жәбірленуші: Тергеу барысында мені психиатриалық сараптамадан өткізген болатын. Және сараптама мені психикасы ешқашан бұзылмаған, сол 2024 жылда да психикасы бұзылмаған, қазір де бұзылмаған, сот алдында жауап бере алады деген қорытынды берген болатын. Сол қорытындыға қарамастан Денсаулық сақтау министрлігі сол қылмыстардың бәріне көз жұмып, врачтардың іс-әрекетін дұрыс, заңды деп қорытынды берген. Жаныма қатты батады сол жері. Сонда біз «заң бізді қорғайды» деп жүргенде заңның өзі қылмысқа көз жұмып тұрғаны ма? Психологиялық диспансер қызметкерлері жазаға тартыла ма, жоқ па әзірге белгісіз. Еліміздің денсаулық сақтау министрлігіне хат та, сұрақ та жолдадық. Бірақ, әзірге ресми түрде жауап бермеді. Біз бір нәрсені ұққанымыз абзал: адамның абыройы мен еркіндігінен айыру - жай қағаздағы қорытынды емес, тағдырға түскен қара таңба. Тиісінше, сау адамды ауру деп, қамап тастағандары дәлелденсе, жазасыз қалмауы тиіс. Еліміздің Денсаулық сақтау министрлігіне сұрау салып, жауап алдық. Бірге тыңдап көрейікші. Басы дауға қалған Burger King-ке қатысты шу әлі басылар емес. Менеджерлер тарапынан қысым көріп, жұмысынан кетуге мәжбүр болған аутизмі бар Әлібек Қаратайдың оқиғасынан кейін, қазақстандықтар компания тарапына неше түрлі хаттар жазып, теріс пікір қалдырып жатыр. Елмен бірге Әлібектің анасы да басшылардың кешірім сұрауын талап етуде. Есте болса, бұған дейін Шымбұлақтағы "Густо" мейрамханасына қатысты да біраз шу болған еді. Қызметкері қазақ тілінде сөйлеуден бас тартып, дәмхана бүкіл әлеуметтік желіде қазіргі тілмен айтқанда "хейтке" ұшырады. Оның бір дәлелін, танымал қосымшаға кіріп-ақ көруге болады. Міне, пікірлердің саны 70 мыңнан асқан. Ал мейрамхананың рейтингі 1-ге түсіп кеткен. Міне, бұл - бейжай қалмайтын қоғамның күші, әрбір азаматтың бірлескен әрекетінің нәтижесі. Қанша жерден кінәлі адамдарды жұмыстан қуып, кешірім сұрағанымен, халықтың сенімін қайтару қиын. Әділетті қоғамның орнауы - тек заң мен билікке ғана емес, сіз бен бізге де байланысты. #Информбюро #31арна #БастыЖаңалықтар #Новости #31канал