Астанада үш баланың анасы көзіне жасалған отадан кейін қайтыс болды скачать в хорошем качестве

Астанада үш баланың анасы көзіне жасалған отадан кейін қайтыс болды

Астанада үш баланың анасы көзіне жасалған отадан кейін қайтыс болды. Артында анасының жолын тосып қалған балалар, көз жасын тыя алмай отырған отбасы қалды. Жақындары үш ай өтсе де бұл жағдайдың мән-жайы әлі толық ашылмады дейді. Сондықтан шындық көмескіленіп кетпесе екен деп тілейді. Қорғаушысынан айырылып, қайғыдан қан жұтқан қыздармен әріптесім Серік Дәрменұлы тілдесіп қайтты. Өткен жылдың 31 қазаны - Аида Оспанованың отбасына қайғы әкелді. Дәл сол күні үш баланың анасы Астанадағы көз ауруларын емдейтін жеке клиникада ота жасатқан еді. Бар-жоғы жарты сағатқа созылатын операциядан ешкім жамандық күтпеген. Керісінше, үйден шығарда үш жасар ұлын қызына тапсырып, «тез қайтамын» деген екен. Алайда отаға бір сағат қалғанда қосымша катаракта барын айтқан дәрігерлер, оны да алу туралы шешім қабылдапты. Сөйтіп, көп ұзамай Аиданың қыздарына қаралы хабар жеткен. АҚЕРКЕ ӘКІМХАНОВА, марқұмның қызы: Сот-медициналық экспертизаның қорытындысымен толық келісе алмаймыз. Себебі ол жерде кардиомиопатия острая сосудистая недостаточность сердца. Ол кісіде бұған дейін жүрекпен проблема болмаған.+Қолымызда ол кісінің тапсырған анализдері бар. Операциядан кейін әйелдің жағдайы күрт нашарлаған. Жедел жәрдем шақырылып, науқас басқа ауруханаға жеткізілген. Бірақ дәрігерлер оны аман алып қала алмапты. Марқұмның қыздары аналарының өліміне медиктердің салғырттығы себеп болуы мүмкін деп күдіктенеді. Өйткені олардың қолында отаға дейін тапсырылған таза анализдер бар. Ал құжаттардағы өлім уақытының әртүрлі көрсетілуі туыстардың күдігін күшейтіп отыр. ӘМИНА ӘКІМХАНОВА, марқұмның қызы: Қағаздың өзінде бізде биологиялық өлім, яғни сағат 16:18-де жазылып тұр. Бірақ та біз 17:11 неге звондап клиникалық өлім деп айтқан. Неге бізде қағазда екі түрлі уақыт жазылған? Біреуінде 16:48, енді бірінде 16:18 деп жазады. Егер де бұл дәрігерердің кінәсі болса, онда біз дәрігерлерің тиісті жазасын алуын қатты қалаймыз. Ал жекеменшік клиника өкілдері операция жоспар бойынша жасалғанын айтады. Олардың сөзінше, хирургиялық кезең қалыпты өткен. Және клиника өкілдері бұл жағдайға байланысты барлық медициналық құжаттар мен мәліметтер құқық қорғау органдарына тапсырылғанын хабарлады. АҚМАРАЛ АҒЕЛЕУОВА, жекеменшік клиниканың директоры: Операция асқынусыз өтті. Алайда отадан кейін науқастың жағдайы күрт нашарлады. Жедел жәрдем бригадасы шақырылды. Науқас теміржол ауруханасына жеткізілді. Өлім себебін біз анықтай алмаймыз. Қайтыс болу фактісі біздің медициналық ұйым аумағында тіркелген жоқ. Бір қызығы бұл қайғылы жағдайдан кейін клиникада ешқандай тексеру жұмыстары жүргізілмепті. Ал марқұмның туыстары тергеу тоқтап қала ма деп алаңдайды. Олар үшін ең маңыздысы – жақын адамдарының неден қайтыс болғанын білу. Ең өкініштісі марқұмның артында үш баласы, оның ішінде ерекше күтімді қажет ететін 3 жасар бүлдіршіні қалды. #Информбюро #31арна #БастыЖаңалықтар #Новости #31канал