ကလေးထောင်က နိုင်ငံရေးအကျဥ်းသူတွေ သွေးသစ္စာသီချင်းသံပြိုင်သီဆိုပြီး ဆန္ဒပြ | People's Spring скачать в хорошем качестве

ကလေးထောင်က နိုင်ငံရေးအကျဥ်းသူတွေ သွေးသစ္စာသီချင်းသံပြိုင်သီဆိုပြီး ဆန္ဒပြ | People's Spring

ကလေးထောင်က နိုင်ငံရေးအကျဥ်းသူတွေ သွေးသစ္စာသီချင်းသံပြိုင်သီဆိုပြီး ဆန္ဒပြ   ဖေဖော်ဝါရီ-၂၊ ၂၀၂၆။ People's Spring   စစ်ကောင်စီ အာဏာသိမ်းတဲ့ (၅)နှစ်ပြည့်မှာ စစ်ကိုင်းတိုင်း ကလေးမြို့အကျဉ်းထောင်က နိုင်ငံရေးအကျဉ်းသူတွေက သွေးသစ္စာသီချင်း သံပြိုင်သီဆိုပြီး အချက်သုံးချက် တောင်းဆိုခဲ့တယ်လို့ ကလေးမြို့လူထုတိုက်ပွဲဦးဆောင်ကော်မတီက ထုတ်ပြန်ထားပါတယ်။   အမှုကြီး ၉မှု ပယ်ကာဖျက်သိမ်းရေး၊ အကျဥ်းသား/အကျဥ်းသူ တန်းတူအချိုးရရှိရေးနဲ့ အာဏာရှင် အဖွဲ့အစည်းမှန်သမျှ ကျရှုံးရေးဆိုတဲ့ အချက်သုံးချက်ကို ငြိမ်းချမ်းစွာ ဆန္ဒထုတ်ဖော်ပြီး တောင်းဆိုခဲ့တာလို့ သိရပါတယ်။   အဲဒီလှုပ်ရှားမှုကို ဖောင်းပြင်မြို့က အကျဥ်းသူ မခင်နွဲ့လှိုင်က ဦးဆောင်ခဲ့တယ်လို့ ကလေးမြို့လူထုတိုက်ပွဲဦးဆောင်ကော်မတီက ဖော်ပြထားပါတယ်။   တောင်းဆိုထားတဲ့ ပထမနှစ်ချက်ကို လာမယ့် မြန်မာနှစ်ဆန်းတစ်ရက်နေ့ နောက်ဆုံးထားသဘောတူပေးဖို့နဲ့ မလုပ်ဆောင်ရင် နှစ်ဆန်း၂ ရက်မှာ တစ်နိုင်ငံလုံးက အကျဉ်းထောင်တွေမှာသပိတ်နေ့ လုပ်ဆောင်မယ်လို့ သိရပါတယ်။   ဒါ့ကြောင့် နိုင်ငံတကာအစိုးရတွေ၊ အဖွဲ့အစည်း‌တွေအနေနဲ့  မြန်မာနိုင်ငံအတွင်းက အကျဉ်းထောင်အသီးသီးမှာ မတရားဖမ်းဆီး ပြစ်ဒဏ်ချမှတ်ခံထားရတဲ့ နိုင်ငံရေး အကျဉ်းသား၊အကျဉ်းသူ‌တွေရဲ့ အသက်အန္တရာယ် လုံခြုံရေး၊ ညှင်းပန်းနှိပ်စက်ခံရမှုများ ပပျောက် စေရေးနဲ့ အလျင်အမြန်လွတ်မြောက်ရေးအတွက် စစ်ကောင်စီကို ဖိအားပေးဆန့်ကျင်ကန့်ကွက်ရုံနဲ့ မလုံလောက်ဘဲသက်ဆိုင်ရာ အစုအဖွဲ့ အသီးသီးနဲ့ ချိတ်ဆက်ပြီး ထိရောက်မှုရှိတဲ့ ပံ့ပိုးကူညီမှုတွေ  ပြုလုပ်ဖို့  ကလေးမြို့လူထုတိုက်ပွဲဦးဆောင်ကော်မတီက တောင်းဆိုထားပါတယ်။   နိုင်ငံရေးအကျဉ်းသူ ၂၀၀ နီးပါးက ဆန္ဒပြတောင်းဆိုခဲ့ကြတာဖြစ်ပြီး ဦးဆောင်သူ ၁၅ဦးကို စစ်ကောင်စီထောင်အာဏာပိုင်တွေက တိုက်ပိတ်ထားတယ်လို့ သိရပါတယ်။   အကျဉ်းသူအားလုံးရဲ့ လုံခြုံရေးအတွက် စိုးရိမ်စရာဖြစ်လို့ ပြည်သူ‌တွေ၊ လူအခွင့်အရေးဆိုင်ရာ အဖွဲ့အစည်း‌တွေအနေနဲ့အလေးထားစောင့်ကြည့်ပေးဖို့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)က အရေးပေါ် သတိပေးထားပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA