Tv Klan - Bastet online, mijëra qytetarë në burg në mungesë të ligjit скачать в хорошем качестве

Tv Klan - Bastet online, mijëra qytetarë në burg në mungesë të ligjit

Bastet online, një aktivitet që vijon masivisht në Shqipëri në mënyrë të paligjshme, po shkakton pasoja të rënda për qytetarët dhe buxhetin. Afro 1 mijë e 400 persona janë proceduar në dy vitet e fundit nga policia, ndërsa më shumë se gjysma e tyre kanë përfunduar në arrest me burg, që nga shkurti i vitit 2024, kur ligji u miratua në Parlament. Shkak i kësaj vale arrestimesh është mungesa e ligjit, i cili mbahet peng nga Ministria e Financave, që nuk miraton aktet nënligjore, duke shkelur edhe afatet ligjore të vendosura nga Parlamenti për nxjerrjen e tyre. Të dhënat zyrtare tregojnë se për lojërat e fatit online janë proceduar 1731 persona në vitet 2024–2025 dhe, sipas policisë, 80 për qind e tyre, apo 1 mijë e 384, janë për organizim të basteve sportive online. Për vitin 2024 rezultojnë 1 mijë e 20 procedime penale. Nga këto, afro 620 janë procedime për bastet online. 541 persona rezultojnë të arrestuar, afro 340 prej të cilëve janë vetëm për bastet online. Për vitin 2025, nga 711 persona të proceduar, afro 570 janë vetëm për bastet online. Ndërkohë që të arrestuar janë 168 persona, afro 130 për bastet. Të dhënat tregojnë se Tirana, Durrësi dhe Fieri kanë nivelin më të lartë të aktivitetit të paligjshëm të basteve online, me 24 dhe 19 për qind, pasuar nga Korça me 13 për qind, dhe po kështu edhe numrin më të lartë të të proceduarve dhe të arrestuarve. Nëse ligji i basteve sportive do të kishte hyrë në fuqi 2 vite më parë, në kohën kur u votua në Parlament dhe kur u parashikua të ishte i zbatueshëm, ky aktivitet do të kishte qenë i ligjshëm në Shqipëri dhe asnjë prej këtyre personave nuk do të ishte sot përpara drejtësisë. Por, përveç kriminalizimit të këtyre individëve dhe pasojave sociale që sjellin këto arrestime, ligji i basteve online po i kushton buxhetit të shtetit afro 100 milionë euro taksa në vit. Ekspertët përllogarisin se, si pasojë e zhvillimit të këtij aktiviteti në mënyrë të paligjshme, kompanitë e huaja që po e ofrojnë aktualisht këtë shërbim në Shqipëri në shkelje të ligjit nxjerrin nga vendi ynë afro 500 milionë euro në vit. Sipas ligjit të miratuar në shkurt të vitit 2024, me propozim të vetë Ministrisë së Financave, bastet online duhet të zhvilloheshin nëpërmjet 10 licencave që do të jepeshin me garë. Licencimi jo vetëm do të kishte legalizuar këtë aktivitet, por pritej të sillte edhe punësim të rregullt të qytetarëve të shumtë dhe do të kishte shmangur kontrollin e kësaj industrie nga grupe kriminale, siç thonë ekspertë të ekonomisë dhe deputetë të Kuvendit të Shqipërisë. Sipas pohimeve të vetë Ministrisë së Financave, ky aktivitet do të vijojë të jetë nën kontrollin e paligjshëm të grupeve apo individëve të caktuar edhe për shumë kohë, pasi në plot 2 vjet kjo ministri ka miratuar vetëm 3 akte nënligjore, ndërkohë që janë për t’u miratuar edhe 8 të tjerë. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/