Tv Klan - Rama inspekton rrugën Librazhd-Përrenjas скачать в хорошем качестве

Tv Klan - Rama inspekton rrugën Librazhd-Përrenjas

Kryeministri inspektoi këtë të shtunë aksin Librazhd-Përrenjas, pikërisht në segmentin që 2 javë më parë u shemb, duke shkaktuar paralizimin e lëvizjes së njerëzve dhe mallrave drejt Juglindjes. Kryeministri këmbëngul se, ndryshe nga sa u tha, shkaqet e rrëshqitjes nuk kishin asnjë lidhje me punimet në Korridorin e 8. “Është kriminale në raport me publikun, është një rrëshqitje e shkaktuar nga faktori gjeologjik.” Rama, i shoqëruar nga ministri i ri i Infrastrukturës dhe drejtoret e linjës, ai u takua edhe me banorë të zonës dhe shpjegoi arsyet pse nuk erdhi më parë për ta ndjekur nga afër situatën e krijuar. “Në kohën kur tundet vend inga daullet dhe nga balta duhet bërë vetëm puna dhe kur bie zhurma, tregohet e vërteta ditën për diell.” Kryeministri flet për rëndësinë e Korridorit të 8, duke shpjeguar se vetëm falë këmbënguljes së qeverisë së tij ky aks u fut në rrjetin e korridoreve europiane me rëndësi strategjike dhe për NATO-n. “Përpara pak kohësh është përfshirë edhe në korridorret e lëvizjes së forcave ushtarake të NATO-s, patjetër që do të rrisë vlerën e pronës, impaktin e tij ekonomik dhe social.” Ai akuzon opozitës dhe mediat se, për të baltosur qeverinë, hodhën baltë mbi këtë vepër. “Duhet të jesh jo thjesht injorant por duhet të jesh dhe një maskara shumë i madh, maskarallëku i atyre që disa paguhen nga taksat e popullit, si përfaqësues të popullit por në fakt nuk janë përfaqësues të popullit, por janë vetëm përfaqësues vetëm të një të ikuri fare nga mendja e kokës.” Opozitën e akuzoi edhe për nxjerrjen e imazhit të vendit me protestat, që sipas tij kanë vetëm një qëllim. “Bëhet vetëm për fotografitë që prodhohen nga zjarret dhe nga dhuna për t’u çuar nëpër botë.” Gjithsesi, Rama garanton se askush nuk do të mund të pengojë Shqipërinë të shkojë në destinacionin natyral të saj, Bashkimin Europian. “Shqipëria nuk ktheht më mbrapa, Shqipëria do të shkojë aty ku është e destinuar të shkojë, dhe do e çojmë ne. Qentë le të lehin, karvani të ecë përpara, rruga është ajo që mbetet. Korridori i tetë do jetë ai që do mbetet për shumë e shumë vite, kur grenxave t\u ketë humbur nami dhe nishani.” SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/