Shkencetari me i njohur turk shpjegon çfare jane qelizat staminale dhe si permiresojne shendetin скачать в хорошем качестве

Shkencetari me i njohur turk shpjegon çfare jane qelizat staminale dhe si permiresojne shendetin

Në rubrikën “Kujdes Shëndetin” tek E Diela Shqiptare ka qenë i ftuar një shkencëtar dhe mjek mjaft i aftë turk Erdal Karaoz i cili punon dhe shëron sëmundje që mjekësia nuk jep dot zgjidhje me qelizat staminale. Ai punon në Liv Hospital në Stamboll i cili është një rrjet spitalesh më inovative, ku kryhen operacione duke filluar nga më i lehti dhe deri tek transplantet e organeve. Erdal Karaoz është mjeku i parë që ka bërë trajtimet me qelizat staminale në Turqi. Ardit Gjebrea: Çfarë janë qelizat staminale? Erdal Karaoz: Qelizat staminale, janë qeliza kryesore të trupit përgjegjëse për riparimin e organeve gjatë gjithë jetës sonë. Prej afro 15-20 vitesh ne marrim nga trupi i njeriut qelizat staminale, i riprodhojmë në laborator dhe i përdorim për trajtimet e sëmundjeve që për fat të keq mjekësia nuk i jep dot zgjidhje. Ardit Gjebrea: Specifikisht, ato sëmundje që trajtohen përmes qelizave staminale cilat janë Erdal Karaoz: Ka disa sëmundje që mjekësia nuk jep dot zgjidhje për shembull pas një aksidenti ju dëmtohet palca kurizore, mund të paralizoheni, nuk mund të ecni dot, ose mund t’ju ndalojë zemra për një farë kohe dhe nuk shkon gjaku në tru, qelizat në tru vdesin, mjekësia nuk jep dot zgjidhje për këtë problem, ose foshnjat që janë në barkun e nënës për një kohë truri i tyre nuk furnizohet me gjak ose oksigjen, kjo quhet paraliza cerebrale, pra këto janë disa sëmundje që mjekësia nuk jep dot një zgjidhje. Qëllimi i qelizës staminale është të rigjallërojë një organ ose ind të vdekur. Pra shkon tek vendi i dëmtuar dhe e riparon nga fillimi. Ardit Gjebrea: Po tani me Covidin çfarë bëni? Erdal Karaoz: Mekanizmi është i njëjtë pak a shumë. Virusi hyn në trupin tonë dhe mundohet të jetojë sa më gjatë në organizmin tonë. Gjatë kësaj kohe pa dashje, virusi na shkakton shumë dëmtime në krahësim me të gjitha viruset dhe bakteret e tjera, shkakton dobësim të sistemit tonë mbrojtës, pra vret shumë qeliza. Tek Covidi ndodh një gjë shumë interesante, pra shkakton një reaksion shumë të madh të cilën ne e quajmë stuhia Stocking, një vrull goditjesh nga ana e virusit, nga kjo dëmtohen qelizat tona dhe për këtë arsye qelizat staminale , për këtë arsye qelizat staminale gjëja e parë që bëjnë, mundohen të zmbrapsin stuhinë Stocking me anë të disa armëve, bombave që posedon qeliza staminale. Qëllimi i parë ishte ky, qëllimi i dytë le të themi që mbaroi stuhia Stocking dhe si pasojë e kësaj janë dëmtuar pjesë të trupit tonë si për shembull, mushkëria, damarët e gjakut, qelizat staminale nëse nuk kemi ndërhyrë që në etapën e parë dhe jeni futur në reanimacion ose jeni të intubuar dhe organet janë të dëmtuara shumë, qëllimi i qelizave staminale është të ripërtërijë dhe rigjenerojnë të gjitha qelizat, indet e vdekura në organe. /tvklan.al #EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tvklan mund t’i ndiqni edhe në faqen https://tvklan.al/programe/