Türk mətbəxindən dadına doyum olmayan “SU BÖRƏYİ”.😍✨ скачать в хорошем качестве

Türk mətbəxindən dadına doyum olmayan “SU BÖRƏYİ”.😍✨

Ərzaqlar: Xəmir üçün: 6 ədəd- yumurta 1 x.q- duz 4,5 st- un (unu az-az əlavə edib yoğurun). Qatları yağlamaq üçün: 120 qr- kərə yağı 0,5 st- duru yağ. Arası üçün: adi ağ pendir. Hazırlanması: • Yumurtaya duz vurub çalırıq,sonra az-az unu da əlavə edib yoğururuq. Ələ yapışan xəmir alınır. Xəmir çox bərk olmamalıdır,yaymağın rahat olması üçün. • Yoğurduğum xəmiri 11 kündəyə ayırdım,üzərini streçlədim və 20-25 dəqiqə dinlənməyə qoydum. • Kündələr dinləndiyi zaman kərə yağını əritdim,üzərinə duru yağ əlavə etdim. • Kündələri dinləndirdikdən sonra bol un vuraraq yaydım. Videodakı şəkildə olmalıdır. Çox da nazik yaymayın ki cırılmasın. • Qazana su əlavə edib qaynamağa qoydum. Su qaynadıqdan sonra 1 dolu x.q duz əlavə etdim. • Bir iri qaba da soyuq su əlavə edib kənarda saxladım. Xəmirləri bişirdikdən sonra soyuq suya əlavə etdim çünki. Əgər su bulanlıqlaşıb,isinərsə, o zaman dəyişdirin. • Listə yağlı kağız sərdim,sonra yaydığım xəmiri yerləşdirdim və yağladım. İlk qatı suda bişirmirik,quru halda olmalıdır. Digər 10 kündəni isə bişiririk. • Qaynatdığım suya xəmirləri əlavə etdim. 30 saniyə bişirdim. Hamısını birdən suya atmırıq, sıra ilə tək-tək etməliyik bunu. • Xəmir 30 saniyə bişdikdən sonra,kənardakı soyuq suya əlavə etdim. Videodakı şəkildə,sonra isə suyunu tam sıxıram. • 6 qatı sıra ilə listə yetləşdirib hər qatı yağlayıram. • 6- cı qatdan sonra pendiri əlavə edirəm. • Sonra yenə 5 qatın hər birini də eyni şəkildə listə yerləşdirib yağlayıram. • 200 dərəcə qızdırılmış sobada üzəri- altı qızarana kimi bişiririk. Mən 50 dəqiqə bişirdim. • Börək bişdikdən sonra üzərinə yağlı kağız və əski sərib dinləndirdim. • Biraz soyuduqdan sonra dinləndirib servis etdim. Hazırlayacaq olan hər kəsə nuş olsun! Göz haqqınızı halal edin!🥰🌹